Lévitique 5:8
והביא אתם אל הכהן והקריב את אשר לחטאת ראשונה ומלק את ראשו ממול ערפו ולא יבדיל׃
Psaumes 22:1
למנצח על אילת השחר מזמור לדוד אלי אלי למה עזבתני רחוק מישועתי דברי שאגתי׃
Psaumes 22:21
הושיעני מפי אריה ומקרני רמים עניתני׃
Psaumes 69:1-21
1
למנצח על שושנים לדוד הושיעני אלהים כי באו מים עד נפש׃
2
טבעתי ביון מצולה ואין מעמד באתי במעמקי מים ושבלת שטפתני׃
3
יגעתי בקראי נחר גרוני כלו עיני מיחל לאלהי׃
4
רבו משערות ראשי שנאי חנם עצמו מצמיתי איבי שקר אשר לא גזלתי אז אשיב׃
5
אלהים אתה ידעת לאולתי ואשמותי ממך לא נכחדו׃
6
אל יבשו בי קויך אדני יהוה צבאות אל יכלמו בי מבקשיך אלהי ישראל׃
7
כי עליך נשאתי חרפה כסתה כלמה פני׃
8
מוזר הייתי לאחי ונכרי לבני אמי׃
9
כי קנאת ביתך אכלתני וחרפות חורפיך נפלו עלי׃
10
ואבכה בצום נפשי ותהי לחרפות לי׃
11
ואתנה לבושי שק ואהי להם למשל׃
12
ישיחו בי ישבי שער ונגינות שותי שכר׃
13
ואני תפלתי לך יהוה עת רצון אלהים ברב חסדך ענני באמת ישעך׃
14
הצילני מטיט ואל אטבעה אנצלה משנאי וממעמקי מים׃
15
אל תשטפני שבלת מים ואל תבלעני מצולה ואל תאטר עלי באר פיה׃
16
ענני יהוה כי טוב חסדך כרב רחמיך פנה אלי׃
17
ואל תסתר פניך מעבדך כי צר לי מהר ענני׃
18
קרבה אל נפשי גאלה למען איבי פדני׃
19
אתה ידעת חרפתי ובשתי וכלמתי נגדך כל צוררי׃
20
חרפה שברה לבי ואנושה ואקוה לנוד ואין ולמנחמים ולא מצאתי׃
21
ויתנו בברותי ראש ולצמאי ישקוני חמץ׃
Esaïe 53:4
אכן חלינו הוא נשא ומכאבינו סבלם ואנחנו חשבנהו נגוע מכה אלהים ומענה׃
Esaïe 53:5
והוא מחלל מפשענו מדכא מעונתינו מוסר שלומנו עליו ובחברתו נרפא לנו׃
Esaïe 53:10
ויהוה חפץ דכאו החלי אם תשים אשם נפשו יראה זרע יאריך ימים וחפץ יהוה בידו יצלח׃
Matthieu 26:1-27
1
ויהי ככלות ישוע לדבר את כל הדברים האלה ויאמר אל תלמידיו׃
2
אתם ידעתם כי אחרי יומים יהיה הפסח ובן האדם ימסר להצלב׃
3
ויקהלו הכהנים הגדולים והסופרים וזקני העם אל חצר הכהן הגדול הנקרא קיפא׃
4
ויועצו יחדו לתפש את ישוע בערמה ולהמיתו׃
5
ויאמרו אך לא בחג פן תהיה מהומה בעם׃
6
ויהי בהיות ישוע בית היני בבית שמעון המצרע׃
7
ותקרב אליו אשה ובידה פך שמן יקר מאד ותצק על ראשו בהסבו על השלחן׃
8
ויראו התלמידים ויתרעמו לאמר על מה האבוד הזה׃
9
כי השמן הזה היה ראוי להמכר במחיר רב ולתתו לעניים׃
10
וידע ישוע ויאמר אליהם למה תוגו את האשה הלא מעשה טוב עשתה עמדי׃
11
כי עניים תמיד עמכם ואנכי אינני אתכם תמיד׃
12
כי אשר שפכה את השמן הזה על גופי לחנט אותי עשתה זאת׃
13
אמן אמר אני לכם באשר תקרא הבשורה הזאת בכל העולם גם את אשר היא עשתה יספר לזכרון לה׃
14
וילך אחד משנים העשר הנקרא יהודה איש קריות אל ראשי הכהנים׃
15
ויאמר מה תתנו לי ואמסרנו בידכם וישקלו לו שלשים כסף׃
16
ומן העת ההיא בקש תאנה למסר אותו׃
17
ויהי בראשון לחג המצות ויגשו התלמידים אל ישוע לאמר באי זה מקום תחפץ כי נכין לך לאכל את הפסח׃
18
ויאמר לכו העירה אל פלני אלמני ואמרתם אליו כה אמר הרב עתי קרובה היא ובביתך אעשה את הפסח עם תלמידי׃
19
ויעשו התלמידים כאשר צום ישוע ויכינו את הפסח׃
20
ויהי בערב ויסב עם שנים העשר׃
21
ובאכלם ויאמר אמן אמר אני לכם כי אחד מכם ימסרני׃
22
ויתעצבו מאד ויחלו איש ואיש לאמר לו האנכי הוא אדני׃
23
ויען ויאמר האיש אשר טבל עמי את ידו בקערה הוא ימסרני׃
24
הן בן האדם הלוך ילך לו ככתוב עליו אבל אוי לאיש ההוא אשר על ידו ימסר בן האדם טוב לאיש ההוא אם לא נולד׃
25
ויען יהודה המסר אותו ויאמר רבי האני הוא ויאמר אליו אתה אמרת׃
26
ובאכלם ויקח ישוע את הלחם ויברך ויבצע ויתן לתלמידים ויאמר קחו ואכלו זה הוא גופי׃
27
ויקח את הכוס ויברך ויתן להם לאמר שתו ממנה כלכם׃
1 Jean 2:27
ואתם המשחה אשר קבלתם מאתו עמדת בכם ולא תצטרכו לאיש אשר ילמדכם כי אם כאשר תלמד אתכם המשחה בכל דבר היא האמת ואיננה כזב וכאשר למדה אתכם כן תעמדו בו׃