וקבצתי את כל הגוים והורדתים אל עמק יהושפט ונשפטתי עמם שם על עמי ונחלתי ישראל אשר פזרו בגוים ואת ארצי חלקו׃

המונים המונים בעמק החרוץ כי קרוב יום יהוה בעמק החרוץ׃

וביום הרבעי נקהלו לעמק ברכה כי שם ברכו את יהוה על כן קראו את שם המקום ההוא עמק ברכה עד היום׃

והיה ביום ההוא אתן לגוג מקום שם קבר בישראל גי העברים קדמת הים וחסמת היא את העברים וקברו שם את גוג ואת כל המונה וקראו גיא המון גוג׃

ועמדו רגליו ביום ההוא על הר הזתים אשר על פני ירושלם מקדם ונבקע הר הזיתים מחציו מזרחה וימה גיא גדולה מאד ומש חצי ההר צפונה וחציו נגבה׃

שאל ממני ואתנה גוים נחלתך ואחזתך אפסי ארץ׃

תרעם בשבט ברזל ככלי יוצר תנפצם׃

קומה יהוה באפך הנשא בעברות צוררי ועורה אלי משפט צוית׃

משמים השמעת דין ארץ יראה ושקטה׃

בקום למשפט אלהים להושיע כל ענוי ארץ סלה׃

לפני יהוה כי בא כי בא לשפט הארץ ישפט תבל בצדק ועמים באמונתו׃

לפני יהוה כי בא לשפט הארץ ישפט תבל בצדק ועמים במישרים׃

אדני על ימינך מחץ ביום אפו מלכים׃

ידין בגוים מלא גויות מחץ ראש על ארץ רבה׃

ושפט בין הגוים והוכיח לעמים רבים וכתתו חרבותם לאתים וחניתותיהם למזמרות לא ישא גוי אל גוי חרב ולא ילמדו עוד מלחמה׃

נצב לריב יהוה ועמד לדין עמים׃

כי קרוב יום וקרוב יום ליהוה יום ענן עת גוים יהיה׃

ושפט בין עמים רבים והוכיח לגוים עצמים עד רחוק וכתתו חרבתיהם לאתים וחניתתיהם למזמרות לא ישאו גוי אל גוי חרב ולא ילמדון עוד מלחמה׃

וארא את השמים נפתחים והנה סוס לבן והרכב עליו נקרא נאמן ואמתי ובצדק הוא שפט ולחם׃