1 Samuel 2:7
יהוה מוריש ומעשיר משפיל אף מרומם׃
Néhémie 9:8
ומצאת את לבבו נאמן לפניך וכרות עמו הברית לתת את ארץ הכנעני החתי האמרי והפרזי והיבוסי והגרגשי לתת לזרעו ותקם את דבריך כי צדיק אתה׃
Psaumes 31:1
למנצח מזמור לדוד בך יהוה חסיתי אל אבושה לעולם בצדקתך פלטני׃
Psaumes 71:2
בצדקתך תצילני ותפלטני הטה אלי אזנך והושיעני׃
Psaumes 143:1
מזמור לדוד יהוה שמע תפלתי האזינה אל תחנוני באמנתך ענני בצדקתך׃
Michée 6:4
כי העלתיך מארץ מצרים ומבית עבדים פדיתיך ואשלח לפניך את משה אהרן ומרים׃
Michée 6:5
עמי זכר נא מה יעץ בלק מלך מואב ומה ענה אתו בלעם בן בעור מן השטים עד הגלגל למען דעת צדקות יהוה׃
2 Thessaloniciens 1:6
באשר צדיק האלהים לגמל לחץ ללחציכם׃
1 Jean 1:9
ואם נתודה את חטאתינו נאמן הוא וצדיק לסלח לנו את חטאתינו ולטהרנו מכל עון׃
Daniel 9:20
ועוד אני מדבר ומתפלל ומתודה חטאתי וחטאת עמי ישראל ומפיל תחנתי לפני יהוה אלהי על הר קדש אלהי׃
Psaumes 87:1-3
1
לבני קרח מזמור שיר יסודתו בהררי קדש׃
2
אהב יהוה שערי ציון מכל משכנות יעקב׃
3
נכבדות מדבר בך עיר האלהים סלה׃
Joël 3:17
וידעתם כי אני יהוה אלהיכם שכן בציון הר קדשי והיתה ירושלם קדש וזרים לא יעברו בה עוד׃
Zacharie 8:3
כה אמר יהוה שבתי אל ציון ושכנתי בתוך ירושלם ונקראה ירושלם עיר האמת והר יהוה צבאות הר הקדש׃
Exode 20:5
לא תשתחוה להם ולא תעבדם כי אנכי יהוה אלהיך אל קנא פקד עון אבת על בנים על שלשים ועל רבעים לשנאי׃
Lévitique 26:39
והנשארים בכם ימקו בעונם בארצת איביכם ואף בעונת אבתם אתם ימקו׃
Lévitique 26:40
והתודו את עונם ואת עון אבתם במעלם אשר מעלו בי ואף אשר הלכו עמי בקרי׃
Psaumes 106:6-48
6
חטאנו עם אבותינו העוינו הרשענו׃
7
אבותינו במצרים לא השכילו נפלאותיך לא זכרו את רב חסדיך וימרו על ים בים סוף׃
8
ויושיעם למען שמו להודיע את גבורתו׃
9
ויגער בים סוף ויחרב ויוליכם בתהמות כמדבר׃
10
ויושיעם מיד שונא ויגאלם מיד אויב׃
11
ויכסו מים צריהם אחד מהם לא נותר׃
12
ויאמינו בדבריו ישירו תהלתו׃
13
מהרו שכחו מעשיו לא חכו לעצתו׃
14
ויתאוו תאוה במדבר וינסו אל בישימון׃
15
ויתן להם שאלתם וישלח רזון בנפשם׃
16
ויקנאו למשה במחנה לאהרן קדוש יהוה׃
17
תפתח ארץ ותבלע דתן ותכס על עדת אבירם׃
18
ותבער אש בעדתם להבה תלהט רשעים׃
19
יעשו עגל בחרב וישתחוו למסכה׃
20
וימירו את כבודם בתבנית שור אכל עשב׃
21
שכחו אל מושיעם עשה גדלות במצרים׃
22
נפלאות בארץ חם נוראות על ים סוף׃
23
ויאמר להשמידם לולי משה בחירו עמד בפרץ לפניו להשיב חמתו מהשחית׃
24
וימאסו בארץ חמדה לא האמינו לדברו׃
25
וירגנו באהליהם לא שמעו בקול יהוה׃
26
וישא ידו להם להפיל אותם במדבר׃
27
ולהפיל זרעם בגוים ולזרותם בארצות׃
28
ויצמדו לבעל פעור ויאכלו זבחי מתים׃
29
ויכעיסו במעלליהם ותפרץ בם מגפה׃
30
ויעמד פינחס ויפלל ותעצר המגפה׃
31
ותחשב לו לצדקה לדר ודר עד עולם׃
32
ויקציפו על מי מריבה וירע למשה בעבורם׃
33
כי המרו את רוחו ויבטא בשפתיו׃
34
לא השמידו את העמים אשר אמר יהוה להם׃
35
ויתערבו בגוים וילמדו מעשיהם׃
36
ויעבדו את עצביהם ויהיו להם למוקש׃
37
ויזבחו את בניהם ואת בנותיהם לשדים׃
38
וישפכו דם נקי דם בניהם ובנותיהם אשר זבחו לעצבי כנען ותחנף הארץ בדמים׃
39
ויטמאו במעשיהם ויזנו במעלליהם׃
40
ויחר אף יהוה בעמו ויתעב את נחלתו׃
41
ויתנם ביד גוים וימשלו בהם שנאיהם׃
42
וילחצום אויביהם ויכנעו תחת ידם׃
43
פעמים רבות יצילם והמה ימרו בעצתם וימכו בעונם׃
44
וירא בצר להם בשמעו את רנתם׃
45
ויזכר להם בריתו וינחם כרב חסדו׃
46
ויתן אותם לרחמים לפני כל שוביהם׃
47
הושיענו יהוה אלהינו וקבצנו מן הגוים להדות לשם קדשך להשתבח בתהלתך׃
48
ברוך יהוה אלהי ישראל מן העולם ועד העולם ואמר כל העם אמן הללו יה׃
Matthieu 23:31
ובכן תעידו על נפשכם כי בנים אתם לרוצחי הנביאים׃
Matthieu 23:32
אף אתם מלאו סאת אבותיכם׃
Luc 11:47-51
47
אוי לכם כי בונים אתם את קברות הנביאים ואבותיכם הרגו אותם׃
48
וכן אתם מעידים ורוצים במעשי אבותיכם כי המה הרגו אותם ואתם בונים את קבריהם׃
49
בעבור זאת גם אמרה חכמת האלהים אשלח אליהם נביאים ושליחים ומהם יהרגו וירדפו׃
50
למען ידרש מן הדור הזה דם כל הנביאים אשר נשפך למן הוסד הארץ׃
51
מדם הבל עד דם זכריהו אשר נהרג בין המזבח ולבית הן אמר אני לכם דרוש ידרש מן הדור הזה׃
1 Rois 9:7-9
7
והכרתי את ישראל מעל פני האדמה אשר נתתי להם ואת הבית אשר הקדשתי לשמי אשלח מעל פני והיה ישראל למשל ולשנינה בכל העמים׃
8
והבית הזה יהיה עליון כל עבר עליו ישם ושרק ואמרו על מה עשה יהוה ככה לארץ הזאת ולבית הזה׃
9
ואמרו על אשר עזבו את יהוה אלהיהם אשר הוציא את אבתם מארץ מצרים ויחזקו באלהים אחרים וישתחו להם ויעבדם על כן הביא יהוה עליהם את כל הרעה הזאת׃
Psaumes 41:13
ברוך יהוה אלהי ישראל מהעולם ועד העולם אמן ואמן׃
Psaumes 79:4
היינו חרפה לשכנינו לעג וקלס לסביבותינו׃
Esaïe 64:9-11
9
אל תקצף יהוה עד מאד ואל לעד תזכר עון הן הבט נא עמך כלנו׃
10
ערי קדשך היו מדבר ציון מדבר היתה ירושלם שממה׃
11
בית קדשנו ותפארתנו אשר הללוך אבתינו היה לשרפת אש וכל מחמדינו היה לחרבה׃
Jérémie 24:9
ונתתים לזועה לרעה לכל ממלכות הארץ לחרפה ולמשל לשנינה ולקללה בכל המקמות אשר אדיחם שם׃
Jérémie 29:18
ורדפתי אחריהם בחרב ברעב ובדבר ונתתים לזועה לכל ממלכות הארץ לאלה ולשמה ולשרקה ולחרפה בכל הגוים אשר הדחתים שם׃
Lamentations 1:8
חטא חטאה ירושלם על כן לנידה היתה כל מכבדיה הזילוה כי ראו ערותה גם היא נאנחה ותשב אחור׃
Lamentations 1:9
טמאתה בשוליה לא זכרה אחריתה ותרד פלאים אין מנחם לה ראה יהוה את עניי כי הגדיל אויב׃
Lamentations 2:15
ספקו עליך כפים כל עברי דרך שרקו וינעו ראשם על בת ירושלם הזאת העיר שיאמרו כלילת יפי משוש לכל הארץ׃
Lamentations 2:16
פצו עליך פיהם כל אויביך שרקו ויחרקו שן אמרו בלענו אך זה היום שקוינהו מצאנו ראינו׃