אדין מלכא בלשאצר שגיא מתבהל וזיוהי שנין עלוהי ורברבנוהי משתבשין׃

ובשנת שתים למלכות נבכדנצר חלם נבכדנצר חלמות ותתפעם רוחו ושנתו נהיתה עליו׃

באדין נבוכדנצר התמלי חמא וצלם אנפוהי אשתנו על שדרך מישך ועבד נגו ענה ואמר למזא לאתונא חד שבעה על די חזה למזיה׃

כל ימי רשע הוא מתחולל ומספר שנים נצפנו לעריץ׃

לא יאמין שוב מני חשך וצפו הוא אלי חרב׃

יבעתהו צר ומצוקה תתקפהו כמלך עתיד לכידור׃

ירוץ אליו בצואר בעבי גבי מגניו׃

כי רצץ עזב דלים בית גזל ולא יבנהו׃

אין שריד לאכלו על כן לא יחיל טובו׃

יהי למלא בטנו ישלח בו חרון אפו וימטר עלימו בלחומו׃

שלף ויצא מגוה וברק ממררתו יהלך עליו אמים׃

יגלו שמים עונו וארץ מתקוממה לו׃

אך בחלקות תשית למו הפלתם למשואות׃

כחלום מהקיץ אדני בעיר צלמם תבזה׃

חזות קשה הגד לי הבוגד בוגד והשודד שודד עלי עילם צורי מדי כל אנחתה השבתי׃

תעה לבבי פלצות בעתתני את נשף חשקי שם לי לחרדה׃

מלכתא לקבל מלי מלכא ורברבנוהי לבית משתיא עללת ענת מלכתא ואמרת מלכא לעלמין חיי אל יבהלוך רעיונך וזיויך אל ישתנו׃

חלם חזית וידחלנני והרהרין על משכבי וחזוי ראשי יבהלנני׃

אדין דניאל די שמה בלטשאצר אשתומם כשעה חדה ורעינהי יבהלנה ענה מלכא ואמר בלטשאצר חלמא ופשרא אל יבהלך ענה בלטשאצר ואמר מראי חלמא לשנאיך ופשרה לעריך׃

עד כה סופא די מלתא אנה דניאל שגיא רעיוני יבהלנני וזיוי ישתנון עלי ומלתא בלבי נטרת׃

תחשכנה עיניהם מראות ומתניהם תמיד המעד׃

על כן כל ידים תרפינה וכל לבב אנוש ימס׃

ונבהלו צירים וחבלים יאחזון כיולדה יחילון איש אל רעהו יתמהו פני להבים פניהם׃

על כן מלאו מתני חלחלה צירים אחזוני כצירי יולדה נעויתי משמע נבהלתי מראות׃

תעה לבבי פלצות בעתתני את נשף חשקי שם לי לחרדה׃

אין עיף ואין כושל בו לא ינום ולא יישן ולא נפתח אזור חלציו ולא נתק שרוך נעליו׃

חזקו ידים רפות וברכים כשלות אמצו׃

כל הידים תרפינה וכל ברכים תלכנה מים׃

והיה כי יאמרו אליך על מה אתה נאנח ואמרת אל שמועה כי באה ונמס כל לב ורפו כל ידים וכהתה כל רוח וכל ברכים תלכנה מים הנה באה ונהיתה נאם אדני יהוה׃

בוקה ומבוקה ומבלקה ולב נמס ופק ברכים וחלחלה בכל מתנים ופני כלם קבצו פארור׃

על כן חזקו ידים רפות וברכים כשלות׃