אם ישים אליו לבו רוחו ונשמתו אליו יאסף׃

יגוע כל בשר יחד ואדם על עפר ישוב׃

אשר לא נשא פני שרים ולא נכר שוע לפני דל כי מעשה ידיו כלם׃

כי עיניו על דרכי איש וכל צעדיו יראה׃

כי לא על איש ישים עוד להלך אל אל במשפט׃

הן גוים כמר מדלי וכשחק מאזנים נחשבו הן איים כדק יטול׃

כל הגוים כאין נגדו מאפס ותהו נחשבו לו׃

הישב על חוג הארץ וישביה כחגבים הנוטה כדק שמים וימתחם כאהל לשבת׃

אף בל נטעו אף בל זרעו אף בל שרש בארץ גזעם וגם נשף בהם ויבשו וסערה כקש תשאם׃

ויגד לו שמואל את כל הדברים ולא כחד ממנו ויאמר יהוה הוא הטוב בעינו יעשה׃

והוא באחד ומי ישיבנו ונפשו אותה ויעש׃

כי הוא אמר ויהי הוא צוה ויעמד׃

עצת יהוה לעולם תעמד מחשבות לבו לדר ודר׃

ואלהינו בשמים כל אשר חפץ עשה׃

כל אשר חפץ יהוה עשה בשמים ובארץ בימים וכל תהומות׃

נשבע יהוה צבאות לאמר אם לא כאשר דמיתי כן היתה וכאשר יעצתי היא תקום׃

זאת העצה היעוצה על כל הארץ וזאת היד הנטויה על כל הגוים׃

מגיד מראשית אחרית ומקדם אשר לא נעשו אמר עצתי תקום וכל חפצי אעשה׃

קרא ממזרח עיט מארץ מרחק איש עצתו אף דברתי אף אביאנה יצרתי אף אעשנה׃

בעת ההיא ענה ישוע ואמר אודך אבי אדון השמים והארץ כי הסתרת את אלה מן החכמים והנבונים וגליתם לעוללים׃

הן אבי כי כן היה רצון לפניך׃

לעשות את אשר ידך ועצתך מקדם גזרה להיות׃

אשר גם לקחנו בו נחלתנו אנחנו המיעדים לה מאז במחשבת פעל הכל כעצת חפצו׃

למען אשר בשם ישוע תכרע כל ברך אשר בשמים ובארץ ומתחת לארץ׃

וכל לשון תודה כי אדון הוא ישוע המשיח לכבוד אלהים האב׃

ייראו מיהוה כל הארץ ממנו יגורו כל ישבי תבל׃

ממכון שבתו השגיח אל כל ישבי הארץ׃

למנצח לבני קרח מזמור שמעו זאת כל העמים האזינו כל ישבי חלד׃

נפשי אויתיך בלילה אף רוחי בקרבי אשחרך כי כאשר משפטיך לארץ צדק למדו ישבי תבל׃

חכם לבב ואמיץ כח מי הקשה אליו וישלם׃

אלוה לא ישיב אפו תחתו שחחו עזרי רהב׃

והוא ישקט ומי ירשע ויסתר פנים ומי ישורנו ועל גוי ועל אדם יחד׃

ואם זרוע כאל לך ובקול כמהו תרעם׃

הפץ עברות אפך וראה כל גאה והשפילהו׃

ידעת כי כל תוכל ולא יבצר ממך מזמה׃

אין חכמה ואין תבונה ואין עצה לנגד יהוה׃

גם מיום אני הוא ואין מידי מציל אפעל ומי ישיבנה׃

ואם מאת האלהים היא לא תוכלו להפר אתה פן תמצאו נלחמים את האלהים׃

ויאמר מי אתה אדני ויאמר האדון אנכי ישוע אשר אתה רודף קשה לך לבעט בדרבנות׃

ועתה אם מתנה אחת נתן האלהים להם ולנו המאמינים באדון ישוע המשיח מי אנכי כי אעצר לאלהים׃

הנעז להקניא את אדנינו הכי חזקים אנחנו ממנו׃

הן יחתף מי ישיבנו מי יאמר אליו מה תעשה׃

הן זאת לא צדקת אענך כי ירבה אלוה מאנוש׃

מדוע אליו ריבות כי כל דבריו לא יענה׃

הרב עם שדי יסור מוכיח אלוה יעננה׃

הוי רב את יצרו חרש את חרשי אדמה היאמר חמר ליצרו מה תעשה ופעלך אין ידים לו׃

כה אמר יהוה קדוש ישראל ויצרו האתיות שאלוני על בני ועל פעל ידי תצוני׃

וכי תאמר אלי מדוע יוכיח עוד נגד רצונו מי יתיצב׃

אמנם בן אדם מי אתה אשר תריב את האלהים היאמר יצר ליצרו למה ככה עשיתני׃

מה עמק עשר חכמת אלהים ועשר דעתו משפטיו מי יחקר ודרכיו מי ימצא׃

או מי הקדימו וישלם לו׃

כי מי תכן את רוח יהוה ומי יודיענו ואנחנו הנה יש לנו רוח המשיח׃