לכן יכיר מעבדיהם והפך לילה וידכאו׃

אשר על כן סרו מאחריו וכל דרכיו לא השכילו׃

והוא ישקט ומי ירשע ויסתר פנים ומי ישורנו ועל גוי ועל אדם יחד׃

עת ללדת ועת למות עת לטעת ועת לעקור נטוע׃

עת לבכות ועת לשחוק עת ספוד ועת רקוד׃

עת לבקש ועת לאבד עת לשמור ועת להשליך׃

עת לאהב ועת לשנא עת מלחמה ועת שלום׃

ועתה אנכי נתתי את כל הארצות האלה ביד נבוכדנאצר מלך בבל עבדי וגם את חית השדה נתתי לו לעבדו׃

ונתת לעבדך לב שמע לשפט את עמך להבין בין טוב לרע כי מי יוכל לשפט את עמך הכבד הזה׃

ויאמר אלהים אליו יען אשר שאלת את הדבר הזה ולא שאלת לך ימים רבים ולא שאלת לך עשר ולא שאלת נפש איביך ושאלת לך הבין לשמע משפט׃

ויאמר אלהים לשלמה יען אשר היתה זאת עם לבבך ולא שאלת עשר נכסים וכבוד ואת נפש שנאיך וגם ימים רבים לא שאלת ותשאל לך חכמה ומדע אשר תשפוט את עמי אשר המלכתיך עליו׃

כי במקום קנאה ומריבה שם מהומה וכל מעשה רע׃