4
ולא תחוס עיני עליך ולא אחמול כי דרכיך עליך אתן ותועבותיך בתוכך תהיין וידעתם כי אני יהוה׃
5
כה אמר אדני יהוה רעה אחת רעה הנה באה׃
6
קץ בא בא הקץ הקיץ אליך הנה באה׃
7
באה הצפירה אליך יושב הארץ בא העת קרוב היום מהומה ולא הד הרים׃
8
עתה מקרוב אשפוך חמתי עליך וכליתי אפי בך ושפטתיך כדרכיך ונתתי עליך את כל תועבותיך׃
9
ולא תחוס עיני ולא אחמול כדרכיך עליך אתן ותועבותיך בתוכך תהיין וידעתם כי אני יהוה מכה׃