עתה הקץ עליך ושלחתי אפי בך ושפטתיך כדרכיך ונתתי עליך את כל תועבתיך׃

הנני שקד עליהם לרעה ולא לטובה ותמו כל איש יהודה אשר בארץ מצרים בחרב וברעב עד כלותם׃

חרב עורי על רעי ועל גבר עמיתי נאם יהוה צבאות הך את הרעה ותפוצין הצאן והשבתי ידי על הצערים׃

הנה היום הנה באה יצאה הצפרה צץ המטה פרח הזדון׃

ואתה חלל רשע נשיא ישראל אשר בא יומו בעת עון קץ׃

הנה באה ונהיתה נאם אדני יהוה הוא היום אשר דברתי׃

וגם על דורות קדם לא חס וישמר רק את נח השמיני קרא הצדק בהביאו את המבול על דור הרשעים׃