BethYeshoua - publications et enseignements

Ezechiel 43:25

שבעת ימים תעשה שעיר חטאת ליום ופר בן בקר ואיל מן הצאן תמימים יעשו׃

Exode 29:15-18

ואת האיל האחד תקח וסמכו אהרן ובניו את ידיהם על ראש האיל׃

ושחטת את האיל ולקחת את דמו וזרקת על המזבח סביב׃

ואת האיל תנתח לנתחיו ורחצת קרבו וכרעיו ונתת על נתחיו ועל ראשו׃

והקטרת את כל האיל המזבחה עלה הוא ליהוה ריח ניחוח אשה ליהוה הוא׃

Lévitique 8:18-21

ויקרב את איל העלה ויסמכו אהרן ובניו את ידיהם על ראש האיל׃

וישחט ויזרק משה את הדם על המזבח סביב׃

ואת האיל נתח לנתחיו ויקטר משה את הראש ואת הנתחים ואת הפדר׃

ואת הקרב ואת הכרעים רחץ במים ויקטר משה את כל האיל המזבחה עלה הוא לריח ניחח אשה הוא ליהוה כאשר צוה יהוה את משה׃

Esaïe 53:6

כלנו כצאן תעינו איש לדרכו פנינו ויהוה הפגיע בו את עון כלנו׃

Esaïe 53:10

ויהוה חפץ דכאו החלי אם תשים אשם נפשו יראה זרע יאריך ימים וחפץ יהוה בידו יצלח׃

1 Pierre 1:19

כי אם בדם יקר של שה תמים ומום אין בו בדם המשיח׃

Ezechiel 43:20

ולקחת מדמו ונתתה על ארבע קרנתיו ואל ארבע פנות העזרה ואל הגבול סביב וחטאת אותו וכפרתהו׃

Ezechiel 43:26

שבעת ימים יכפרו את המזבח וטהרו אתו ומלאו ידו׃