ורגליהם רגל ישרה וכף רגליהם ככף רגל עגל ונצצים כעין נחשת קלל׃

וארא כעין חשמל כמראה אש בית לה סביב ממראה מתניו ולמעלה וממראה מתניו ולמטה ראיתי כמראה אש ונגה לו סביב׃

ואשא את עיני וארא והנה איש אחד לבוש בדים ומתניו חגרים בכתם אופז׃

וגויתו כתרשיש ופניו כמראה ברק ועיניו כלפידי אש וזרעתיו ומרגלתיו כעין נחשת קלל וקול דבריו כקול המון׃

ומרגלתיו כעין נחשת קלל כצרופות בכור וקולו כקול מים רבים׃

בצאת האיש קדים וקו בידו וימד אלף באמה ויעברני במים מי אפסים׃

לתורה ולתעודה אם לא יאמרו כדבר הזה אשר אין לו שחר׃

ושמתי משפט לקו וצדקה למשקלת ויעה ברד מחסה כזב וסתר מים ישטפו׃

ואשא עיני וארא והנה איש ובידו חבל מדה׃

ואמר אנה אתה הלך ויאמר אלי למד את ירושלם לראות כמה רחבה וכמה ארכה׃

וינתן לי קנה דומה למטה ויעמד המלאך ויאמר קום ומד את היכל יהוה ואת המזבח ואת המשתחוים בו׃

וביד המדבר אלי היה קנה זהב למד בו את העיר ואת שעריה ואת חומתה׃