12
נשאר בעיר שמה ושאיה יכת שער׃
11
צוחה על היין בחוצות ערבה כל שמחה גלה משוש הארץ׃
10
נשברה קרית תהו סגר כל בית מבוא׃
9
בשיר לא ישתו יין ימר שכר לשתיו׃
8
שבת משוש תפים חדל שאון עליזים שבת משוש כנור׃
7
אבל תירוש אמללה גפן נאנחו כל שמחי לב׃
6
על כן אלה אכלה ארץ ויאשמו ישבי בה על כן חרו ישבי ארץ ונשאר אנוש מזער׃
5
והארץ חנפה תחת ישביה כי עברו תורת חלפו חק הפרו ברית עולם׃
4
אבלה נבלה הארץ אמללה נבלה תבל אמללו מרום עם הארץ׃
3
הבוק תבוק הארץ והבוז תבוז כי יהוה דבר את הדבר הזה׃
2
והיה כעם ככהן כעבד כאדניו כשפחה כגברתה כקונה כמוכר כמלוה כלוה כנשה כאשר נשא בו׃
1
הנה יהוה בוקק הארץ ובולקה ועוה פניה והפיץ ישביה׃
