Ezechiel 28:24
ולא יהיה עוד לבית ישראל סלון ממאיר וקוץ מכאב מכל סביבתם השאטים אותם וידעו כי אני אדני יהוה׃
Ezechiel 28:26
וישבו עליה לבטח ובנו בתים ונטעו כרמים וישבו לבטח בעשותי שפטים בכל השאטים אתם מסביבותם וידעו כי אני יהוה אלהיהם׃
Ezechiel 29:6
וידעו כל ישבי מצרים כי אני יהוה יען היותם משענת קנה לבית ישראל׃
Ezechiel 29:9
והיתה ארץ מצרים לשממה וחרבה וידעו כי אני יהוה יען אמר יאר לי ואני עשיתי׃
Ezechiel 29:16
ולא יהיה עוד לבית ישראל למבטח מזכיר עון בפנותם אחריהם וידעו כי אני אדני יהוה׃
Psaumes 58:11
ויאמר אדם אך פרי לצדיק אך יש אלהים שפטים בארץ׃
Ezechiel 30:14
והשמתי את פתרוס ונתתי אש בצען ועשיתי שפטים בנא׃
Ezechiel 30:16
ונתתי אש במצרים חול תחיל סין ונא תהיה להבקע ונף צרי יומם׃
Ezechiel 22:31
ואשפך עליהם זעמי באש עברתי כליתים דרכם בראשם נתתי נאם אדני יהוה׃
Deutéronome 32:22
כי אש קדחה באפי ותיקד עד שאול תחתית ותאכל ארץ ויבלה ותלהט מוסדי הרים׃
Esaïe 42:25
וישפך עליו חמה אפו ועזוז מלחמה ותלהטהו מסביב ולא ידע ותבער בו ולא ישים על לב׃
Lamentations 4:11
כלה יהוה את חמתו שפך חרון אפו ויצת אש בציון ותאכל יסודתיה׃
Amos 1:4
ושלחתי אש בבית חזאל ואכלה ארמנות בן הדד׃
Amos 1:7
ושלחתי אש בחומת עזה ואכלה ארמנתיה׃
Amos 1:10
ושלחתי אש בחומת צר ואכלה ארמנותיה׃
Amos 1:12
ושלחתי אש בתימן ואכלה ארמנות בצרה׃
Amos 1:14
והצתי אש בחומת רבה ואכלה ארמנותיה בתרועה ביום מלחמה בסער ביום סופה׃
Amos 2:2
ושלחתי אש במואב ואכלה ארמנות הקריות ומת בשאון מואב בתרועה בקול שופר׃
Amos 2:5
ושלחתי אש ביהודה ואכלה ארמנות ירושלם׃
Nahoum 1:5
הרים רעשו ממנו והגבעות התמגגו ותשא הארץ מפניו ותבל וכל ישבי בה׃
Nahoum 1:6
לפני זעמו מי יעמוד ומי יקום בחרון אפו חמתו נתכה כאש והצרים נתצו ממנו׃