כה אמר אדני יהוה בקבצי את בית ישראל מן העמים אשר נפצו בם ונקדשתי בם לעיני הגוים וישבו על אדמתם אשר נתתי לעבדי ליעקב׃

וישבו עליה לבטח ובנו בתים ונטעו כרמים וישבו לבטח בעשותי שפטים בכל השאטים אתם מסביבותם וידעו כי אני יהוה אלהיהם׃

יהוה יחתו מריבו עלו בשמים ירעם יהוה ידין אפסי ארץ ויתן עז למלכו וירם קרן משיחו׃

ותרם כראים קרני בלתי בשמן רענן׃

פזר נתן לאביונים צדקתו עמדת לעד קרנו תרום בכבוד׃

שם אצמיח קרן לדוד ערכתי נר למשיחי׃

וירם קרן לעמו תהלה לכל חסידיו לבני ישראל עם קרבו הללו יה׃

הבאים ישרש יעקב יציץ ופרח ישראל ומלאו פני תבל תנובה׃

הנה ימים באים נאם יהוה והקמתי לדוד צמח צדיק ומלך מלך והשכיל ועשה משפט וצדקה בארץ׃

וירם לנו קרן ישועה בבית דוד עבדו׃

ולשונך אדביק אל חכך ונאלמת ולא תהיה להם לאיש מוכיח כי בית מרי המה׃

ביום ההוא יפתח פיך את הפליט ותדבר ולא תאלם עוד והיית להם למופת וידעו כי אני יהוה׃

ויד יהוה היתה אלי בערב לפני בוא הפליט ויפתח את פי עד בוא אלי בבקר ויפתח פי ולא נאלמתי עוד׃

אדני שפתי תפתח ופי יגיד תהלתך׃

כי לא יעשה אדני יהוה דבר כי אם גלה סודו אל עבדיו הנביאים׃

אריה שאג מי לא יירא אדני יהוה דבר מי לא ינבא׃

כי אנכי נתן לכם פה וחכמה אשר לא יוכלו לעמד לפניה ולדבר נגדה כל מתקוממיכם׃

והתפללו גם בעדנו למען יפתח לנו האלהים את שער הדבור לחות את סוד המשיח אשר בעבורו אסור אנכי׃

למען אשר אגלה אתו כמשפט עלי לחות׃

וידעו כל ישבי מצרים כי אני יהוה יען היותם משענת קנה לבית ישראל׃

והיתה ארץ מצרים לשממה וחרבה וידעו כי אני יהוה יען אמר יאר לי ואני עשיתי׃

ולא יהיה עוד לבית ישראל למבטח מזכיר עון בפנותם אחריהם וידעו כי אני אדני יהוה׃