הנה חכם אתה מדנאל כל סתום לא עממוך׃

ברב חכמתך ברכלתך הרבית חילך ויגבה לבבך בחילך׃

ואמרת לצור הישבתי על מבואת ים רכלת העמים אל איים רבים כה אמר אדני יהוה צור את אמרת אני כלילת יפי׃

בלב ימים גבוליך בניך כללו יפיך׃

גבה לבך ביפיך שחת חכמתך על יפעתך על ארץ השלכתיך לפני מלכים נתתיך לראוה בך׃

מרב עוניך בעול רכלתך חללת מקדשיך ואוצא אש מתוכך היא אכלתך ואתנך לאפר על הארץ לעיני כל ראיך׃

ויאמר אלהים נעשה אדם בצלמנו כדמותנו וירדו בדגת הים ובעוף השמים ובבהמה ובכל הארץ ובכל הרמש הרמש על הארץ׃

ויברא אלהים את האדם בצלמו בצלם אלהים ברא אתו זכר ונקבה ברא אתם׃

וירא אלהים את כל אשר עשה והנה טוב מאד ויהי ערב ויהי בקר יום הששי׃

וירא יהוה כי רבה רעת האדם בארץ וכל יצר מחשבת לבו רק רע כל היום׃

וינחם יהוה כי עשה את האדם בארץ ויתעצב אל לבו׃

צדקה תרומם גוי וחסד לאמים חטאת׃

לבד ראה זה מצאתי אשר עשה האלהים את האדם ישר והמה בקשו חשבנות רבים׃

איך נפלת משמים הילל בן שחר נגדעת לארץ חולש על גוים׃

נפלה עטרת ראשנו אוי נא לנו כי חטאנו׃

ואני חייתי מלפנים בלא תורה וכאשר באה המצוה ויחי החטא׃

כי לא חס אלהים על המלאכים אשר חטאו כי אם הורידם לקצבי הרים ויסגירם בכבלי אפל לשמרם למשפט׃