לא תענה ברעך עד שקר׃

לא תשא שמע שוא אל תשת ידך עם רשע להית עד חמס׃

לא תלך רכיל בעמיך לא תעמד על דם רעך אני יהוה׃

והושיבו שנים אנשים בני בליעל נגדו ויעדהו לאמר ברכת אלהים ומלך והוציאהו וסקלהו וימת׃

קראו צום והשיבו את נבות בראש העם׃

תשב באחיך תדבר בבן אמך תתן דפי׃

מלושני בסתר רעהו אותו אצמית גבה עינים ורחב לבב אתו לא אוכל׃

מכסה שנאה שפתי שקר ומוצא דבה הוא כסיל׃

דברי נרגן כמתלהמים והם ירדו חדרי בטן׃

דברי נרגן כמתלהמים והם ירדו חדרי בטן׃

כלם סרי סוררים הלכי רכיל נחשת וברזל כלם משחיתים המה׃

איש מרעהו השמרו ועל כל אח אל תבטחו כי כל אח עקוב יעקב וכל רע רכיל יהלך׃

ויהי הוא בשער בנימן ושם בעל פקדת ושמו יראייה בן שלמיה בן חנניה ויתפש את ירמיהו הנביא לאמר אל הכשדים אתה נפל׃

ויקצפו השרים על ירמיהו והכו אתו ונתנו אותו בית האסור בית יהונתן הספר כי אתו עשו לבית הכלא׃

ויאמרו השרים אל המלך יומת נא את האיש הזה כי על כן הוא מרפא את ידי אנשי המלחמה הנשארים בעיר הזאת ואת ידי כל העם לדבר אליהם כדברים האלה כי האיש הזה איננו דרש לשלום לעם הזה כי אם לרעה׃

ויקחו את ירמיהו וישלכו אתו אל הבור מלכיהו בן המלך אשר בחצר המטרה וישלחו את ירמיהו בחבלים ובבור אין מים כי אם טיט ויטבע ירמיהו בטיט׃

והכהנים הגדולים והסופרים וכל הסנהדרין בקשו עדות שקר בישוע להמיתו ולא מצאו׃

ויסיתו בו אנשים אמרים שמענו אתו מדבר גדופים במשה ובאלהים׃

ויעמידו עדי שקר אשר אמרו האיש הזה איננו חדל מהטיח דברים נגד מקום הקדש הזה ונגד התורה׃

כי מצאנו את האיש הזה כקטב ומגרה מדינים בין כל היהודים על פני תבל והוא ראש כת הנצרים׃

גם אין ביכלתם להוכיח עלי את אשר עתה הם שטנים אותי׃

ויוטל התנין הגדול הנחש הקדמוני אשר נקרא שמו מלשין ושטן המדיח תבל כלה הוא הוטל ארצה ומלאכיו עמו הוטלו׃

ואשמע קול גדול בשמים ויאמר עתה באה ישועת אלהינו ועזו ומלכותו וממשלת משיחו כי הורד שוטן אחינו העמד לשטנם לפני אלהינו יומם ולילה׃

אל ההרים לא אכל ועיניו לא נשא אל גלולי בית ישראל ואת אשת רעהו לא טמא ואל אשה נדה לא יקרב׃

והוא את כל אלה לא עשה כי גם אל ההרים אכל ואת אשת רעהו טמא׃

על ההרים לא אכל ועיניו לא נשא אל גלולי בית ישראל את אשת רעהו לא טמא׃

ויצמדו לבעל פעור ויאכלו זבחי מתים׃

ראו את ישראל לפי הבשר הלא אכלי הזבחים חברי המזבח המה׃

אלא את אשר יזבחו הגוים לשדים הם זבחים ולא לאלהים ואני לא אחפץ היתכם חברים לשדים׃

יען אשר לא זכרתי את ימי נעוריך ותרגזי לי בכל אלה וגם אני הא דרכך בראש נתתי נאם אדני יהוה ולא עשיתי את הזמה על כל תועבתיך׃

בטמאתך זמה יען טהרתיך ולא טהרת מטמאתך לא תטהרי עוד עד הניחי את חמתי בך׃

ואחז בפילגשי ואנתחה ואשלחה בכל שדה נחלת ישראל כי עשו זמה ונבלה בישראל׃

אלה וכחש ורצח וגנב ונאף פרצו ודמים בדמים נגעו׃

ואכלו ולא ישבעו הזנו ולא יפרצו כי את יהוה עזבו לשמר׃

לא אפקוד על בנותיכם כי תזנינה ועל כלותיכם כי תנאפנה כי הם עם הזנות יפרדו ועם הקדשות יזבחו ועם לא יבין ילבט׃

וכחכי איש גדודים חבר כהנים דרך ירצחו שכמה כי זמה עשו׃

כלם מנאפים כמו תנור בערה מאפה ישבות מעיר מלוש בצק עד חמצתו׃