ויט אליה אל הדרך ויאמר הבה נא אבוא אליך כי לא ידע כי כלתו הוא ותאמר מה תתן לי כי תבוא אלי׃

ויאמר מה הערבון אשר אתן לך ותאמר חתמך ופתילך ומטך אשר בידך ויתן לה ויבא אליה ותהר לו׃

לא תהיה קדשה מבנות ישראל ולא יהיה קדש מבני ישראל׃

לא תביא אתנן זונה ומחיר כלב בית יהוה אלהיך לכל נדר כי תועבת יהוה אלהיך גם שניהם׃

והשמתי גפנה ותאנתה אשר אמרה אתנה המה לי אשר נתנו לי מאהבי ושמתים ליער ואכלתם חית השדה׃

ואל עמי ידו גורל ויתנו הילד בזונה והילדה מכרו ביין וישתו׃

וכל פסיליה יכתו וכל אתנניה ישרפו באש וכל עצביה אשים שממה כי מאתנן זונה קבצה ועד אתנן זונה ישובו׃

ויבא בנך זה אשר בלע את נחלתך עם הזנות ותזבח לו את עגל המרבק׃

והיה לכם מעוז פרעה לבשת והחסות בצל מצרים לכלמה׃

משא בהמות נגב בארץ צרה וצוקה לביא וליש מהם אפעה ושרף מעופף ישאו על כתף עירים חילהם ועל דבשת גמלים אוצרתם על עם לא יועילו׃

ומצרים הבל וריק יעזרו לכן קראתי לזאת רהב הם שבת׃

ותשרי למלך בשמן ותרבי רקחיך ותשלחי צריך עד מרחק ותשפילי עד שאול׃

כי המה עלו אשור פרא בודד לו אפרים התנו אהבים׃

גם כי יתנו בגוים עתה אקבצם ויחלו מעט ממשא מלך שרים׃