וארא והנה רוח סערה באה מן הצפון ענן גדול ואש מתלקחת ונגה לו סביב ומתוכה כעין החשמל מתוך האש׃

ואראה והנה דמות כמראה אש ממראה מתניו ולמטה אש וממתניו ולמעלה כמראה זהר כעין החשמלה׃

כי יהוה אלהיך אש אכלה הוא אל קנא׃

יבא אלהינו ואל יחרש אש לפניו תאכל וסביביו נשערה מאד׃

ענן וערפל סביביו צדק ומשפט מכון כסאו׃

באש להבה להשיב נקם לאשר לא ידעו את האלהים ולא שמעו לבשורת אדנינו ישוע המשיח׃

כי אלהינו אש אכלה הוא׃

וראשו ושערו לבנים כצמר צחר כשלג ועיניו כלבת אש׃

ויהי לו ביד ימינו שבעה כוכבים ומפיו יוצאת חרב פיפיות חדה ופניו כשמש המאיר בגבורתו׃