אודך לעולם כי עשית ואקוה שמך כי טוב נגד חסידיך׃

בנדבה אזבחה לך אודה שמך יהוה כי טוב׃

ואני קרבת אלהים לי טוב שתי באדני יהוה מחסי לספר כל מלאכותיך׃

מזמור שיר ליום השבת טוב להדות ליהוה ולזמר לשמך עליון׃

אבל טוב לקנא תמיד לטובה ולא לבד בהיותו אצלכם׃

כי נתחברנו למשיח אם נחזיק בראשית הבטחה ולא נרפנה עד הקץ׃

לכן אל תשליכו את בטחונכם כי יש לו שכר רב׃

לכן חגרו מתני שכלכם התעוררו וקוו קוה לחסד אשר יבואכם בהתגלות ישוע המשיח׃

לישועתך קויתי יהוה׃

ויאמר משה אל העם אל תיראו התיצבו וראו את ישועת יהוה אשר יעשה לכם היום כי אשר ראיתם את מצרים היום לא תסיפו לראתם עוד עד עולם׃

לא לכם להלחם בזאת התיצבו עמדו וראו את ישועת יהוה עמכם יהודה וירושלם אל תיראו ואל תחתו מחר צאו לפניהם ויהוה עמכם׃

דום ליהוה והתחולל לו אל תתחר במצליח דרכו באיש עשה מזמות׃

קוה אל יהוה ושמר דרכו וירוממך לרשת ארץ בהכרת רשעים תראה׃

שברתי לישועתך יהוה ומצותיך עשיתי׃

תאבתי לישועתך יהוה ותורתך שעשעי׃

קויתי יהוה קותה נפשי ולדברו הוחלתי׃

ומצרים הבל וריק יעזרו לכן קראתי לזאת רהב הם שבת׃

כי כה אמר אדני יהוה קדוש ישראל בשובה ונחת תושעון בהשקט ובבטחה תהיה גבורתכם ולא אביתם׃