כי גם אחיך ובית אביך גם המה בגדו בך גם המה קראו אחריך מלא אל תאמן בם כי ידברו אליך טובות׃

שוא ידברו איש את רעהו שפת חלקות בלב ולב ידברו׃

יכרת יהוה כל שפתי חלקות לשון מדברת גדלות׃

הוות בקרבה ולא ימיש מרחבה תך ומרמה׃

כי לא אויב יחרפני ואשא לא משנאי עלי הגדיל ואסתר ממנו׃

בשפתו ינכר שונא ובקרבו ישית מרמה׃

כי יחנן קולו אל תאמן בו כי שבע תועבות בלבו׃

אל תאמינו ברע אל תבטחו באלוף משכבת חיקך שמר פתחי פיך׃

כי בן מנבל אב בת קמה באמה כלה בחמתה איבי איש אנשי ביתו׃

והשמרו לכם מבני האדם כי ימסרו אתכם לסנהדריות ויכו אתכם בשוטים בבתי כנסיותיהם׃

והיה אח ימסר את אחיו למות ואב ימסר את בנו וקמו בנים באבותם וימיתו אותם׃

אל תחשבו כי באתי להטיל שלום בארץ לא באתי להטיל שלום כי אם חרב׃

כי באתי להפריד איש מאביו ובת מאמה וכלה מחמותה׃

וגם תמסרו על ידי יולדיכם ואחיכם וקרוביכם ורעיכם וימיתו מכם׃

ויאמר בא אחיך במרמה ויקח ברכתך׃

ויאמר הכי קרא שמו יעקב ויעקבני זה פעמים את בכרתי לקח והנה עתה לקח ברכתי ויאמר הלא אצלת לי ברכה׃

ויאמר לא יעקב יאמר עוד שמך כי אם ישראל כי שרית עם אלהים ועם אנשים ותוכל׃

ולא יפרץ איש ויונה את אחיו בעשק כי נוקם יהוה על כל זאת כאשר כבר אמרנו והעידנו לכם׃

כלם סרי סוררים הלכי רכיל נחשת וברזל כלם משחיתים המה׃

לא תלך רכיל בעמיך לא תעמד על דם רעך אני יהוה׃

לא רגל על לשנו לא עשה לרעהו רעה וחרפה לא נשא על קרבו׃

שש הנה שנא יהוה ושבע תועבות נפשו׃

יפיח כזבים עד שקר ומשלח מדנים בין אחים׃

מכסה שנאה שפתי שקר ומוצא דבה הוא כסיל׃

מפיץ וחרב וחץ שנון איש ענה ברעהו עד שקר׃

אנשי רכיל היו בך למען שפך דם ואל ההרים אכלו בך זמה עשו בתוכך׃

ועתה הסירו מכם כל רשע וכל מרמה וחנפה וקנאה וכל לשון רע׃

וכעללים אשר מקרוב נולדו התאוו לחלב השכלי והזך למען תגדלו בו׃