19
מעי מעי אחולה קירות לבי המה לי לבי לא אחריש כי קול שופר שמעתי נפשי תרועת מלחמה׃
20
שבר על שבר נקרא כי שדדה כל הארץ פתאם שדדו אהלי רגע יריעתי׃
21
עד מתי אראה נס אשמעה קול שופר׃
22
כי אויל עמי אותי לא ידעו בנים סכלים המה ולא נבונים המה חכמים המה להרע ולהיטיב לא ידעו׃
23
ראיתי את הארץ והנה תהו ובהו ואל השמים ואין אורם׃
24
ראיתי ההרים והנה רעשים וכל הגבעות התקלקלו׃
25
ראיתי והנה אין האדם וכל עוף השמים נדדו׃
26
ראיתי והנה הכרמל המדבר וכל עריו נתצו מפני יהוה מפני חרון אפו׃