עלה אריה מסבכו ומשחית גוים נסע יצא ממקמו לשום ארצך לשמה עריך תצינה מאין יושב׃

הנה כאריה יעלה מגאון הירדן אל נוה איתן כי ארגעה ארוצם מעליה ומי בחור אליה אפקד כי מי כמוני ומי יועדני ומי זה רעה אשר יעמד לפני׃

מקול נתפשה בבל נרעשה הארץ וזעקה בגוים נשמע׃

קול יללת הרעים כי שדדה אדרתם קול שאגת כפירים כי שדד גאון הירדן׃

כי את רגלים רצתה וילאוך ואיך תתחרה את הסוסים ובארץ שלום אתה בוטח ואיך תעשה בגאון הירדן׃

וכבוא נשאי הארון עד הירדן ורגלי הכהנים נשאי הארון נטבלו בקצה המים והירדן מלא על כל גדותיו כל ימי קציר׃

אלה הם אשר עברו את הירדן בחדש הראשון והוא ממלא על כל גדיתיו ויבריחו את כל העמקים למזרח ולמערב׃

מי כמכה באלם יהוה מי כמכה נאדר בקדש נורא תהלת עשה פלא׃

כי מי בשחק יערך ליהוה ידמה ליהוה בבני אלים׃

יהוה אלהי צבאות מי כמוך חסין יה ואמונתך סביבותיך׃

מי כיהוה אלהינו המגביהי לשבת׃

המשפילי לראות בשמים ובארץ׃

ואל מי תדמיוני ואשוה יאמר קדוש׃

אם לכח אמיץ הנה ואם למשפט מי יועידני׃

תם אני לא אדע נפשי אמאס חיי׃

מי יתן ידעתי ואמצאהו אבוא עד תכונתו׃

אדעה מלים יענני ואבינה מה יאמר לי׃

שם ישר נוכח עמו ואפלטה לנצח משפטי׃

הרב עם שדי יסור מוכיח אלוה יעננה׃

הן קלתי מה אשיבך ידי שמתי למו פי׃

ויען יהוה את איוב מן סערה ויאמר׃

האף תפר משפטי תרשיעני למען תצדק׃

מי זה מעלים עצה בלי דעת לכן הגדתי ולא אבין נפלאות ממני ולא אדע׃

לשמע אזן שמעתיך ועתה עיני ראתך׃

ואל תבוא במשפט את עבדך כי לא יצדק לפניך כל חי׃

והיה אדירו ממנו ומשלו מקרבו יצא והקרבתיו ונגש אלי כי מי הוא זה ערב את לבו לגשת אלי נאם יהוה׃

לא אכזר כי יעורנו ומי הוא לפני יתיצב׃

אתה נורא אתה ומי יעמד לפניך מאז אפך׃

לפני זעמו מי יעמוד ומי יקום בחרון אפו חמתו נתכה כאש והצרים נתצו ממנו׃

כי בא יום עברתו הגדול ומי יוכל להתיצב׃