ישמע אל ויענם וישב קדם סלה אשר אין חליפות למו ולא יראו אלהים׃

כי אין חרצבות למותם ובריא אולם׃

לכן ענקתמו גאוה יעטף שית חמס למו׃

ימיקו וידברו ברע עשק ממרום ידברו׃

רבת שבעה לה נפשנו הלעג השאננים הבוז לגאיונים׃

כי משובת פתים תהרגם ושלות כסילים תאבדם׃

וקצף גדול אני קצף על הגוים השאננים אשר אני קצפתי מעט והמה עזרו לרעה׃

ועשה יהוה צבאות לכל העמים בהר הזה משתה שמנים משתה שמרים שמנים ממחים שמרים מזקקים׃

והיה בעת ההיא אחפש את ירושלם בנרות ופקדתי על האנשים הקפאים על שמריהם האמרים בלבבם לא ייטיב יהוה ולא ירע׃

אכלנו הממנו נבוכדראצר מלך בבל הציגנו כלי ריק בלענו כתנין מלא כרשו מעדני הדיחנו׃

הבוק תבוק הארץ והבוז תבוז כי יהוה דבר את הדבר הזה׃

כי שב יהוה את גאון יעקב כגאון ישראל כי בקקום בקקים וזמריהם שחתו׃

בוקה ומבוקה ומבלקה ולב נמס ופק ברכים וחלחלה בכל מתנים ופני כלם קבצו פארור׃

שמענו גאון מואב גאה מאד גבהו וגאונו וגאותו ורם לבו׃

שמענו גאון מואב גא מאד גאותו וגאונו ועברתו לא כן בדיו׃

הנה זה היה עון סדם אחותך גאון שבעת לחם ושלות השקט היה לה ולבנותיה ויד עני ואביון לא החזיקה׃

ותגבהינה ותעשינה תועבה לפני ואסיר אתהן כאשר ראיתי׃