מדוע ראיתי המה חתים נסגים אחור וגבוריהם יכתו ומנוס נסו ולא הפנו מגור מסביב נאם יהוה׃

גם שכריה בקרבה כעגלי מרבק כי גם המה הפנו נסו יחדיו לא עמדו כי יום אידם בא עליהם עת פקדתם׃

מן שמים נלחמו הכוכבים ממסלותם נלחמו עם סיסרא׃

נחל קישון גרפם נחל קדומים נחל קישון תדרכי נפשי עז׃

כי הנה יהוה באש יבוא וכסופה מרכבתיו להשיב בחמה אפו וגערתו בלהבי אש׃

כי באש יהוה נשפט ובחרבו את כל בשר ורבו חללי יהוה׃

ויאמר יהוה אל משה עתה תראה אשר אעשה לפרעה כי ביד חזקה ישלחם וביד חזקה יגרשם מארצו׃

והוריש יהוה את כל הגוים האלה מלפניכם וירשתם גוים גדלים ועצמים מכם׃

וישלח חציו ויפיצם וברקים רב ויהמם׃

ותאזרני חיל למלחמה תכריע קמי תחתי׃

אתה ידך גוים הורשת ותטעם תרע לאמים ותשלחם׃

כהנדף עשן תנדף כהמס דונג מפני אש יאבדו רשעים מפני אלהים׃

היתה יהודה לקדשו ישראל ממשלותיו׃

ההרים רקדו כאילים גבעות כבני צאן׃

ההרים תרקדו כאילים גבעות כבני צאן׃