מי יתן ראשי מים ועיני מקור דמעה ואבכה יומם ולילה את חללי בת עמי׃

על ההרים אשא בכי ונהי ועל נאות מדבר קינה כי נצתו מבלי איש עבר ולא שמעו קול מקנה מעוף השמים ועד בהמה נדדו הלכו׃

ואם לא תשמעוה במסתרים תבכה נפשי מפני גוה ודמע תדמע ותרד עיני דמעה כי נשבה עדר יהוה׃

ואמרת אליהם את הדבר הזה תרדנה עיני דמעה לילה ויומם ואל תדמינה כי שבר גדול נשברה בתולת בת עמי מכה נחלה מאד׃

אם יצאתי השדה והנה חללי חרב ואם באתי העיר והנה תחלואי רעב כי גם נביא גם כהן סחרו אל ארץ ולא ידעו׃

לנבאים נשבר לבי בקרבי רחפו כל עצמותי הייתי כאיש שכור וכגבר עברו יין מפני יהוה ומפני דברי קדשו׃

על כן על מואב איליל ולמואב כלה אזעק אל אנשי קיר חרש יהגה׃

מבכי יעזר אבכה לך הגפן שבמה נטישתיך עברו ים עד ים יעזר נגעו על קיצך ועל בצירך שדד נפל׃

זלעפה אחזתני מרשעים עזבי תורתך׃

פלגי מים ירדו עיני על לא שמרו תורתך׃

לבי למואב יזעק בריחה עד צער עגלת שלשיה כי מעלה הלוחית בבכי יעלה בו כי דרך חורנים זעקת שבר יעערו׃

על כן מעי למואב ככנור יהמו וקרבי לקיר חרש׃

על כן מלאו מתני חלחלה צירים אחזוני כצירי יולדה נעויתי משמע נבהלתי מראות׃

על כן אמרתי שעו מני אמרר בבכי אל תאיצו לנחמני על שד בת עמי׃

על אלה אני בוכיה עיני עיני ירדה מים כי רחק ממני מנחם משיב נפשי היו בני שוממים כי גבר אויב׃

כלו בדמעות עיני חמרמרו מעי נשפך לארץ כבדי על שבר בת עמי בעטף עולל ויונק ברחבות קריה׃

פלגי מים תרד עיני על שבר בת עמי׃

עד ישקיף וירא יהוה משמים׃

אתכרית רוחי אנה דניאל בגוא נדנה וחזוי ראשי יבהלנני׃

עד כה סופא די מלתא אנה דניאל שגיא רעיוני יבהלנני וזיוי ישתנון עלי ומלתא בלבי נטרת׃

ואני דניאל נהייתי ונחליתי ימים ואקום ואעשה את מלאכת המלך ואשתומם על המראה ואין מבין׃

שמעתי ותרגז בטני לקול צללו שפתי יבוא רקב בעצמי ותחתי ארגז אשר אנוח ליום צרה לעלות לעם יגודנו׃

ויהי כאשר קרב וירא את העיר ויבך עליה לאמר׃

לו ידעת אף את בעוד יומך הזה את דבר שלומך ועתה נעלם מעיניך׃

כי גדול עצבוני ואין קץ לדאבון לבי׃

כי מי יתן היתי אני מחרם מן המשיח בעד אחי שארי ובשרי׃

אחי חפץ לבבי ותפלתי לאלהים בעד ישראל אשר יושעו׃

בני אשר אני מחולל שנית עד כי יוצר בכם המשיח׃

בסדם אל תבא נפשי בקהלם אל תחד כבדי כי באפם הרגו איש וברצנם עקרו שור׃

נחל קישון גרפם נחל קדומים נחל קישון תדרכי נפשי עז׃

אמרת ליהוה אדני אתה טובתי בל עליך׃

מה תשתוחחי נפשי ותהמי עלי הוחילי לאלהים כי עוד אודנו ישועות פניו׃

אלהי עלי נפשי תשתוחח על כן אזכרך מארץ ירדן וחרמונים מהר מצער׃

לדוד ברכי נפשי את יהוה וכל קרבי את שם קדשו׃

שובי נפשי למנוחיכי כי יהוה גמל עליכי׃

הללו יה הללי נפשי את יהוה׃

הגידו ביהודה ובירושלם השמיעו ואמרו ותקעו שופר בארץ קראו מלאו ואמרו האספו ונבואה אל ערי המבצר׃

עד מתי אראה נס אשמעה קול שופר׃

אם יתקע שופר בעיר ועם לא יחרדו אם תהיה רעה בעיר ויהוה לא עשה׃

יום עברה היום ההוא יום צרה ומצוקה יום שאה ומשואה יום חשך ואפלה יום ענן וערפל׃

יום שופר ותרועה על הערים הבצרות ועל הפנות הגבהות׃