לכו ונשובה אל יהוה כי הוא טרף וירפאנו יך ויחבשנו׃

שובה ישראל עד יהוה אלהיך כי כשלת בעונך׃

ארפא משובתם אהבם נדבה כי שב אפי ממנו׃

שמוע שמעתי אפרים מתנודד יסרתני ואוסר כעגל לא למד השבני ואשובה כי אתה יהוה אלהי׃

בסאסאה בשלחה תריבנה הגה ברוחו הקשה ביום קדים׃

משכני אחריך נרוצה הביאני המלך חדריו נגילה ונשמחה בך נזכירה דדיך מיין מישרים אהבוך׃

אחר ישבו בני ישראל ובקשו את יהוה אלהיהם ואת דויד מלכם ופחדו אל יהוה ואל טובו באחרית הימים׃

לכו ונשובה אל יהוה כי הוא טרף וירפאנו יך ויחבשנו׃

יחינו מימים ביום השלישי יקמנו ונחיה לפניו׃

ואנכי יהוה אלהיך מארץ מצרים ואלהים זולתי לא תדע ומושיע אין בלתי׃

אפרים מה לי עוד לעצבים אני עניתי ואשורנו אני כברוש רענן ממני פריך נמצא׃

והבאתי את השלשית באש וצרפתים כצרף את הכסף ובחנתים כבחן את הזהב הוא יקרא בשמי ואני אענה אתו אמרתי עמי הוא והוא יאמר יהוה אלהי׃