2
ולמועד שלח אל הכרמים עבד לקחת מאת הכרמים מפרי הכרם׃
3
ויחזיקו בו ויכהו וישלחהו ריקם׃
4
ויסף לשלח אליהם עבד אחר ואתו סקלו באבנים ומחקו ראשו וישלחהו נכלם׃
5
ויסף וישלח אחר וגם אתו הרגו וכן עשו ברבים אחרים מהם הכו ומהם הרגו׃
6
ויהי לו עוד בן יחיד אשר אהבו וישלח גם אתו אליהם באחרנה לאמר מפני בני יגורו׃
7
והכרמים ההם אמרו איש אל רעהו הנה זה הוא היורש לכו ונהרגהו ולנו תהיה הירשה׃
8
ויחזיקו בו ויהרגו אותו וישליכהו אל מחוץ לכרם׃