הלוא זאת תעשה לך עזבך את יהוה אלהיך בעת מוליכך בדרך׃

ויאכלו מפרי דרכם וממעצתיהם ישבעו׃

עוונותיו ילכדנו את הרשע ובחבלי חטאתו יתמך׃

הכרת פניהם ענתה בם וחטאתם כסדם הגידו לא כחדו אוי לנפשם כי גמלו להם רעה׃

ועתה אודיעה נא אתכם את אשר אני עשה לכרמי הסר משוכתו והיה לבער פרץ גדרו והיה למרמס׃

כה אמר יהוה אי זה ספר כריתות אמכם אשר שלחתיה או מי מנושי אשר מכרתי אתכם לו הן בעונתיכם נמכרתם ובפשעיכם שלחה אמכם׃

וענה גאון ישראל בפניו וישראל ואפרים יכשלו בעונם כשל גם יהודה עמם׃

ויאמר יהוה אלי בימי יאשיהו המלך הראית אשר עשתה משבה ישראל הלכה היא על כל הר גבה ואל תחת כל עץ רענן ותזני שם׃

וארא כי על כל אדות אשר נאפה משבה ישראל שלחתיה ואתן את ספר כריתתיה אליה ולא יראה בגדה יהודה אחותה ותלך ותזן גם היא׃

ויאמר יהוה אלי צדקה נפשה משבה ישראל מבגדה יהודה׃

אך דעי עונך כי ביהוה אלהיך פשעת ותפזרי את דרכיך לזרים תחת כל עץ רענן ובקולי לא שמעתם נאם יהוה׃

על כן הכם אריה מיער זאב ערבות ישדדם נמר שקד על עריהם כל היוצא מהנה יטרף כי רבו פשעיהם עצמו משבותיהם׃

מדוע שובבה העם הזה ירושלם משבה נצחת החזיקו בתרמית מאנו לשוב׃

כי כפרה סררה סרר ישראל עתה ירעם יהוה ככבש במרחב׃

ועמי תלואים למשובתי ואל על יקראהו יחד לא ירומם׃

שובה ישראל עד יהוה אלהיך כי כשלת בעונך׃

וימאנו להקשיב ויתנו כתף סררת ואזניהם הכבידו משמוע׃

דרכך ומעלליך עשו אלה לך זאת רעתך כי מר כי נגע עד לבך׃

עצמותיו מלאו עלומו ועמו על עפר תשכב׃

יחמל עליה ולא יעזבנה וימנענה בתוך חכו׃

חיל בלע ויקאנו מבטנו יורשנו אל׃

והפכתי חגיכם לאבל וכל שיריכם לקינה והעליתי על כל מתנים שק ועל כל ראש קרחה ושמתיה כאבל יחיד ואחריתה כיום מר׃

האותי לא תיראו נאם יהוה אם מפני לא תחילו אשר שמתי חול גבול לים חק עולם ולא יעברנהו ויתגעשו ולא יוכלו והמו גליו ולא יעברנהו׃

ויהי כקרוא יהודי שלש דלתות וארבעה יקרעה בתער הספר והשלך אל האש אשר אל האח עד תם כל המגלה על האש אשר על האח׃

ולא פחדו ולא קרעו את בגדיהם המלך וכל עבדיו השמעים את כל הדברים האלה׃

למנצח לעבד יהוה לדוד נאם פשע לרשע בקרב לבי אין פחד אלהים לנגד עיניו׃

אין פחד אלהים לנגד עיניהם׃