נסו מלטו נפשכם ותהיינה כערוער במדבר׃

היגאה גמא בלא בצה ישגה אחו בלי מים׃

כן ארחות כל שכחי אל ותקות חנף תאבד׃

לא יסור מני חשך ינקתו תיבש שלהבת ויסור ברוח פיו׃

בלא יומו תמלא וכפתו לא רעננה׃

כי עדת חנף גלמוד ואש אכלה אהלי שחד׃

לא כן הרשעים כי אם כמץ אשר תדפנו רוח׃

בפרח רשעים כמו עשב ויציצו כל פעלי און להשמדם עדי עד׃

יהיו כחציר גגות שקדמת שלף יבש׃

ולא אמרו העברים ברכת יהוה אליכם ברכנו אתכם בשם יהוה׃

כי תהיו כאלה נבלת עלה וכגנה אשר מים אין לה׃

ויען השליש אשר למלך נשען על ידו את איש האלהים ויאמר הנה יהוה עשה ארבות בשמים היהיה הדבר הזה ויאמר הנכה ראה בעיניך ומשם לא תאכל׃

ויען השליש את איש האלהים ויאמר והנה יהוה עשה ארבות בשמים היהיה כדבר הזה ויאמר הנך ראה בעיניך ומשם לא תאכל׃

ויהי לו כן וירמסו אתו העם בשער וימת׃

אל ירא בפלגות נהרי נחלי דבש וחמאה׃

גפרית ומלח שרפה כל ארצה לא תזרע ולא תצמח ולא יעלה בה כל עשב כמהפכת סדם ועמרה אדמה וצביים אשר הפך יהוה באפו ובחמתו׃

ואבימלך נלחם בעיר כל היום ההוא וילכד את העיר ואת העם אשר בה הרג ויתץ את העיר ויזרעה מלח׃

בצאתו וגבאיו ולא ירפאו למלח נתנו׃

לכן חי אני נאם יהוה צבאות אלהי ישראל כי מואב כסדם תהיה ובני עמון כעמרה ממשק חרול ומכרה מלח ושממה עד עולם שארית עמי יבזום ויתר גוי ינחלום׃