כי פחד אלי איד אל ומשאתו לא אוכל׃

ביום צרתי אדני דרשתי ידי לילה נגרה ולא תפוג מאנה הנחם נפשי׃

אחזת שמרות עיני נפעמתי ולא אדבר׃

אזכרה נגינתי בלילה עם לבבי אשיחה ויחפש רוחי׃

האפס לנצח חסדו גמר אמר לדר ודר׃

עני אני וגוע מנער נשאתי אמיך אפונה׃

עלי עברו חרוניך בעותיך צמתותני׃

ברוך הגבר אשר יבטח ביהוה והיה יהוה מבטחו׃

מקוה ישראל יהוה כל עזביך יבשו יסורי בארץ יכתבו כי עזבו מקור מים חיים את יהוה׃

יהוה עזי ומעזי ומנוסי ביום צרה אליך גוים יבאו מאפסי ארץ ויאמרו אך שקר נחלו אבותינו הבל ואין בם מועיל׃

למנצח מזמור לדוד אשרי משכיל אל דל ביום רעה ימלטהו יהוה׃

ואני אשיר עזך וארנן לבקר חסדך כי היית משגב לי ומנוס ביום צר לי׃

טוב יהוה למעוז ביום צרה וידע חסי בו׃

על כן אחזו בכלי נשק אלהים למען תוכלו לקום ביום הרע ולמלא צבאכם ולעמוד׃