בטח ביהוה ועשה טוב שכן ארץ ורעה אמונה׃

גול על יהוה דרכך ובטח עליו והוא יעשה׃

דום ליהוה והתחולל לו אל תתחר במצליח דרכו באיש עשה מזמות׃

כי מרעים יכרתון וקוי יהוה המה יירשו ארץ׃

וענוים יירשו ארץ והתענגו על רב שלום׃

אשר חטא עשה רע מאת ומאריך לו כי גם יודע אני אשר יהיה טוב ליראי האלהים אשר ייראו מלפניו׃

כי אנכי ידעתי את המחשבת אשר אנכי חשב עליכם נאם יהוה מחשבות שלום ולא לרעה לתת לכם אחרית ותקוה׃

ובקשתם אתי ומצאתם כי תדרשני בכל לבבכם׃

ויצו נבוכדראצר מלך בבל על ירמיהו ביד נבוזראדן רב טבחים לאמר׃

קחנו ועיניך שים עליו ואל תעש לו מאומה רע כי אם כאשר ידבר אליך כן עשה עמו׃

ויקח רב טבחים לירמיהו ויאמר אליו יהוה אלהיך דבר את הרעה הזאת אל המקום הזה׃

ועתה הנה פתחתיך היום מן האזקים אשר על ידך אם טוב בעיניך לבוא אתי בבל בא ואשים את עיני עליך ואם רע בעיניך לבוא אתי בבל חדל ראה כל הארץ לפניך אל טוב ואל הישר בעיניך ללכת שמה לך׃

ויבא ירמיהו אל גדליה בן אחיקם המצפתה וישב אתו בתוך העם הנשארים בארץ׃

ויתן אותם לרחמים לפני כל שוביהם׃

ברצות יהוה דרכי איש גם אויביו ישלם אתו׃

פלגי מים לב מלך ביד יהוה על כל אשר יחפץ יטנו׃