האותי לא תיראו נאם יהוה אם מפני לא תחילו אשר שמתי חול גבול לים חק עולם ולא יעברנהו ויתגעשו ולא יוכלו והמו גליו ולא יעברנהו׃

שדי לא מצאנהו שגיא כח ומשפט ורב צדקה לא יענה׃

לכן יראוהו אנשים לא יראה כל חכמי לב׃

אבל אורה אתכם את אשר תיראו יראו את אשר יש לו שלטן אחרי המיתו להשליך אל גיהנם הן אני אמר לכם אותו תיראון׃

מי לא ייראך יהוה ולא יכבד את שמך כי קדוש אתה לבדך כי כל הגוים יבאו וישתחוו לפניך כי נגלו משפטי צדקך׃

כי ליהוה המלוכה ומשל בגוים׃

וישתחוו לו כל מלכים כל גוים יעבדוהו׃

כל גוים אשר עשית יבואו וישתחוו לפניך אדני ויכבדו לשמך׃

ושפט בין הגוים והוכיח לעמים רבים וכתתו חרבותם לאתים וחניתותיהם למזמרות לא ישא גוי אל גוי חרב ולא ילמדו עוד מלחמה׃

ונלוו גוים רבים אל יהוה ביום ההוא והיו לי לעם ושכנתי בתוכך וידעת כי יהוה צבאות שלחני אליך׃

והמלאך השביעי תקע בשופר ויהי קלות גדולים בשמים ויאמרו הנה ממלכת העולם היתה לאדיניו ולמשיחו והוא ימלך לעולמי עולמים׃

אתה נורא אתה ומי יעמד לפניך מאז אפך׃

מאין כמוך יהוה גדול אתה וגדול שמך בגבורה׃

כי מי בשחק יערך ליהוה ידמה ליהוה בבני אלים׃

כי כן כתוב אאבד חכמת חכמים ובינת נבונים אסתיר׃

איה חכם איה ספר איה דרש העולם הזה הלא סכל האלהים את חכמת העולם הזה׃