יען כי יעץ עליך ארם רעה אפרים ובן רמליהו לאמר׃

כה אמר אדני יהוה לא תקום ולא תהיה׃

ודוד הגיד לאמר אחיתפל בקשרים עם אבשלום ויאמר דוד סכל נא את עצת אחיתפל יהוה׃

ויישר הדבר בעיני אבשלם ובעיני כל זקני ישראל׃

ואחיתפל ראה כי לא נעשתה עצתו ויחבש את החמור ויקם וילך אל ביתו אל עירו ויצו אל ביתו ויחנק וימת ויקבר בקבר אביו׃

מפר מחשבות ערומים ולא תעשינה ידיהם תושיה׃

למה רגשו גוים ולאמים יהגו ריק׃

יתיצבו מלכי ארץ ורוזנים נוסדו יחד על יהוה ועל משיחו׃

יהוה הפיר עצת גוים הניא מחשבות עמים׃

עצת יהוה לעולם תעמד מחשבות לבו לדר ודר׃

למנצח לבני קרח על עלמות שיר אלהים לנו מחסה ועז עזרה בצרות נמצא מאד׃

יהוה צבאות עמנו משגב לנו אלהי יעקב סלה׃

על עמך יערימו סוד ויתיעצו על צפוניך׃

כי נועצו לב יחדו עליך ברית יכרתו׃

גבל ועמון ועמלק פלשת עם ישבי צור׃

עשה להם כמדין כסיסרא כיבין בנחל קישון׃

שיתמו נדיבמו כערב וכזאב וכזבח וכצלמנע כל נסיכמו׃

אלהי שיתמו כגלגל כקש לפני רוח׃

כן תרדפם בסערך ובסופתך תבהלם׃

יבשו ויבהלו עדי עד ויחפרו ויאבדו׃

אין חכמה ואין תבונה ואין עצה לנגד יהוה׃

מי זה אמר ותהי אדני לא צוה׃

מה תחשבון אל יהוה כלה הוא עשה לא תקום פעמים צרה׃

ממך יצא חשב על יהוה רעה יעץ בליעל׃

ועתה אני אמר אליכם חדלו לכם מן האנשים האלה והניחו להם כי העצה והפעלה הזאת אם מאת אדם היא תפר׃

ואם מאת האלהים היא לא תוכלו להפר אתה פן תמצאו נלחמים את האלהים׃

לכן יתן אדני הוא לכם אות הנה העלמה הרה וילדת בן וקראת שמו עמנו אל׃

כי ילד ילד לנו בן נתן לנו ותהי המשרה על שכמו ויקרא שמו פלא יועץ אל גבור אביעד שר שלום׃

אל תירא כי עמך אני אל תשתע כי אני אלהיך אמצתיך אף עזרתיך אף תמכתיך בימין צדקי׃

כי תצא למלחמה על איביך וראית סוס ורכב עם רב ממך לא תירא מהם כי יהוה אלהיך עמך המעלך מארץ מצרים׃

לא יתיצב איש לפניך כל ימי חייך כאשר הייתי עם משה אהיה עמך לא ארפך ולא אעזבך׃

והנה עמנו בראש האלהים וכהניו וחצצרות התרועה להריע עליכם בני ישראל אל תלחמו עם יהוה אלהי אבתיכם כי לא תצליחו׃

וישם את פסל הסמל אשר עשה בבית האלהים אשר אמר אלהים אל דויד ואל שלמה בנו בבית הזה ובירושלם אשר בחרתי מכל שבטי ישראל אשים את שמי לעילום׃

ולא אוסיף להסיר את רגל ישראל מעל האדמה אשר העמדתי לאבתיכם רק אם ישמרו לעשות את כל אשר צויתים לכל התורה והחקים והמשפטים ביד משה׃

יהוה צבאות עמנו משגב לנו אלהי יעקב סלה׃

יהוה צבאות עמנו משגב לנו אלהי יעקב סלה׃

הנה העלמה הרה וילדת בן וקראו שמו עמנואל אשר פרושו האל עמנו׃

ולמדתם אתם לשמר את כל אשר צויתי אתכם והנה אנכי אתכם כל הימים עד קץ העולם אמן׃

כי אם תחיו לפי הבשר מות תמתון ואם על ידי הרוח תמותתו את מעללי הבשר חיה תחיו׃

ועתה מה נאמר על זאת אם האלהים לנו מי יריב אתנו׃

אתם הבנים הנכם מאלהים ונצחתם אתם כי אשר בכם גדול הוא מאשר בעולם׃