והיה הנשאר בציון והנותר בירושלם קדוש יאמר לו כל הכתוב לחיים בירושלם׃

אם רחץ אדני את צאת בנות ציון ואת דמי ירושלם ידיח מקרבה ברוח משפט וברוח בער׃

הביטו אל אברהם אביכם ואל שרה תחוללכם כי אחד קראתיו ואברכהו וארבהו׃

לא יאמר לך עוד עזובה ולארצך לא יאמר עוד שממה כי לך יקרא חפצי בה ולארצך בעולה כי חפץ יהוה בך וארצך תבעל׃

ביום ההוא יהיה על מצלות הסוס קדש ליהוה והיה הסירות בבית יהוה כמזרקים לפני המזבח׃

והיה כל סיר בירושלם וביהודה קדש ליהוה צבאות ובאו כל הזבחים ולקחו מהם ובשלו בהם ולא יהיה כנעני עוד בבית יהוה צבאות ביום ההוא׃

ואנחנו כפי הבטחתו מחכים לשמים חדשים ולארץ חדשה אשר צדק ילין בם׃

ולא יבוא בה כל טמא ועשה תועבה ושקר כי אם הכתובים בספר החיים של השה׃

וענוים יירשו ארץ והתענגו על רב שלום׃

כי מברכיו יירשו ארץ ומקלליו יכרתו׃

אשרי הענוים כי המה יירשו הארץ׃

ותעש אתם מלכים וכהנים לאלהינו וימלכו על הארץ׃

המנצח יירש הכל ואני אהיה לו לאלהים והוא יהיה לי לבן׃

כי בראתו ילדיו מעשה ידי בקרבו יקדישו שמי והקדישו את קדוש יעקב ואת אלהי ישראל יעריצו׃

כל הנקרא בשמי ולכבודי בראתיו יצרתיו אף עשיתיו׃

כה אמר יהוה קדוש ישראל ויצרו האתיות שאלוני על בני ועל פעל ידי תצוני׃

לשום לאבלי ציון לתת להם פאר תחת אפר שמן ששון תחת אבל מעטה תהלה תחת רוח כהה וקרא להם אילי הצדק מטע יהוה להתפאר׃

שתולים בבית יהוה בחצרות אלהינו יפריחו׃

ויען ויאמר כל מטע אשר לא נטע אבי שבשמים עקור יעקר׃

כל שריג בי אשר איננו עשה פרי יסירנו ואשר יעשה פרי יטהרנו להרבות את פריו׃

כי פעל אלהים אנחנו נבראים במשיח ישוע למעשים טובים אשר הכין האלהים מקדם למען נתהלך בהם׃

עם זו יצרתי לי תהלתי יספרו׃

רנו שמים כי עשה יהוה הריעו תחתיות ארץ פצחו הרים רנה יער וכל עץ בו כי גאל יהוה יעקב ובישראל יתפאר׃

ויאמר לי עבדי אתה ישראל אשר בך אתפאר׃

לתהלת כבוד חסדו אשר נתן אתנו בידידו׃

להיותנו לתהלת כבודו אנחנו אשר יחלנו אל המשיח מאז׃

להראות בדרות הבאים את גדלת עשר חסדו בטובתו עלינו במשיח ישוע׃

בבאו ביום ההוא להכבד בקדשיו ולהתפלא בכל המאמינים כי האמנתם לעדותנו אליכם׃