כי עמך מקור חיים באורך נראה אור׃

והעיר איננה צריכה לאור השמש ולנגה הירח כי כבוד אלהים האיר לה ונרה הוא השה׃

ולילה לא יהיה עוד ולא יצטרכו עוד לאור נר ולאור שמש כי יהוה אלהים הוא יאיר להם וימלכו עד עולמי עולמים׃

ואתה יהוה מגן בעדי כבודי ומרים ראשי׃

בני איש עד מה כבודי לכלמה תאהבון ריק תבקשו כזב סלה׃

על אלהים ישעי וכבודי צור עזי מחסי באלהים׃

ואני אהיה לה נאם יהוה חומת אש סביב ולכבוד אהיה בתוכה׃

אור לגלות עיני הגוים ותפארת ישראל עמך׃