בניך עלפו שכבו בראש כל חוצות כתוא מכמר המלאים חמת יהוה גערת אלהיך׃

כי החרשתי בלו עצמי בשאגתי כל היום׃

כי יומם ולילה תכבד עלי ידך נהפך לשדי בחרבני קיץ סלה׃

נפוגותי ונדכיתי עד מאד שאגתי מנהמת לבי׃

ולא זעקו אלי בלבם כי יילילו על משכבותם על דגן ותירוש יתגוררו יסורו בי׃

כסוס עגור כן אצפצף אהגה כיונה דלו עיני למרום אדני עשקה לי ערבני׃

קדר הלכתי בלא חמה קמתי בקהל אשוע׃

אח הייתי לתנים ורע לבנות יענה׃

קוה לשלום ואין טוב לעת מרפה והנה בעתה׃

מי יתן ראשי מים ועיני מקור דמעה ואבכה יומם ולילה את חללי בת עמי׃

ופלטו פליטיהם והיו אל ההרים כיוני הגאיות כלם המות איש בעונו׃

אך קרוב ליראיו ישעו לשכן כבוד בארצנו׃

רחוק מרשעים ישועה כי חקיך לא דרשו׃