ותפק לרעב נפשך ונפש נענה תשביע וזרח בחשך אורך ואפלתך כצהרים׃

ונחך יהוה תמיד והשביע בצחצחות נפשך ועצמתיך יחליץ והיית כגן רוה וכמוצא מים אשר לא יכזבו מימיו׃

ומצהרים יקום חלד תעפה כבקר תהיה׃

והוציא כאור צדקך ומשפטך כצהרים׃

אור זרע לצדיק ולישרי לב שמחה׃

זרח בחשך אור לישרים חנון ורחום וצדיק׃

וארח צדיקים כאור נגה הולך ואור עד נכון היום׃

ונדעה נרדפה לדעת את יהוה כשחר נכון מצאו ויבוא כגשם לנו כמלקוש יורה ארץ׃

וזרחה לכם יראי שמי שמש צדקה ומרפא בכנפיה ויצאתם ופשתם כעגלי מרבק׃

דרכיו ראיתי וארפאהו ואנחהו ואשלם נחמים לו ולאבליו׃

הנני מעלה לה ארכה ומרפא ורפאתים וגליתי להם עתרת שלום ואמת׃

יחינו מימים ביום השלישי יקמנו ונחיה לפניו׃

ארפא משובתם אהבם נדבה כי שב אפי ממנו׃

כי השמן לב העם הזה ואזניו הכבד ועיניו השע פן יראה בעיניו ובאזניו ישמע ולבבו יבין ושב ורפא לו׃

צדק לפניו יהלך וישם לדרך פעמיו׃

ויבט אליו ויירא ויאמר מה זה אדני ויאמר אליו תפלותיך וצדקותיך עלו לזכרון לפני האלהים׃

ויאמר קרניליוס נשמעה תפלתך וצדקותיך היו לזכרון לפני האלהים׃

כי אם בכל עם ועם הירא אותו ועשה צדק רצוי הוא לפניו׃

כי לא בחפזון תצאו ובמנוסה לא תלכון כי הלך לפניכם יהוה ומאספכם אלהי ישראל׃

ויסע מלאך האלהים ההלך לפני מחנה ישראל וילך מאחריהם ויסע עמוד הענן מפניהם ויעמד מאחריהם׃