כי אז על שדי תתענג ותשא אל אלוה פניך׃

אם על שדי יתענג יקרא אלוה בכל עת׃

כי אמר לא יסכן גבר ברצתו עם אלהים׃

ירוין מדשן ביתך ונחל עדניך תשקם׃

והתענג על יהוה ויתן לך משאלת לבך׃

וענוים יירשו ארץ והתענגו על רב שלום׃

ואני ביהוה אעלוזה אגילה באלהי ישעי׃

שמחו באדנינו בכל עת ועוד הפעם אמר אני שמחו׃

אשר אהבתם ולא ראיתם ואשר עתה תאמינו בו בלא ראות אתו ובכן תגילו בשמחה מפארה עצמה מספר׃

הוא מרומים ישכן מצדות סלעים משגבו לחמו נתן מימיו נאמנים׃

ירכבהו על במותי ארץ ויאכל תנובת שדי וינקהו דבש מסלע ושמן מחלמיש צור׃

אשריך ישראל מי כמוך עם נושע ביהוה מגן עזרך ואשר חרב גאותך ויכחשו איביך לך ואתה על במותימו תדרך׃

יהוה אדני חילי וישם רגלי כאילות ועל במותי ידרכני למנצח בנגינותי׃

אם תאבו ושמעתם טוב הארץ תאכלו׃

אשר כרת את אברהם ושבועתו לישחק׃

לאמר לך אתן את ארץ כנען חבל נחלתכם׃

ונתן ארצם נחלה נחלה לישראל עמו׃

ונתן ארצם לנחלה כי לעולם חסדו׃

ואנכי אמרתי איך אשיתך בבנים ואתן לך ארץ חמדה נחלת צבי צבאות גוים ואמר אבי תקראו לי ומאחרי לא תשובו׃

ואם תמאנו ומריתם חרב תאכלו כי פי יהוה דבר׃

ונגלה כבוד יהוה וראו כל בשר יחדו כי פי יהוה דבר׃

וישבו איש תחת גפנו ותחת תאנתו ואין מחריד כי פי יהוה צבאות דבר׃

השמים והארץ יעברו ודברי לא יעברון׃