לא תטה משפט אבינך בריבו׃

ושחד לא תקח כי השחד יעור פקחים ויסלף דברי צדיקים׃

מצדיק רשע ומרשיע צדיק תועבת יהוה גם שניהם׃

אמר לרשע צדיק אתה יקבהו עמים יזעמוהו לאמים׃

אל למלכים למואל אל למלכים שתו יין ולרוזנים או שכר׃

פן ישתה וישכח מחקק וישנה דין כל בני עני׃

שריך סוררים וחברי גנבים כלו אהב שחד ורדף שלמנים יתום לא ישפטו וריב אלמנה לא יבוא אליהם׃

לא תטה משפט לא תכיר פנים ולא תקח שחד כי השחד יעור עיני חכמים ויסלף דברי צדיקם׃

ועתה יהי פחד יהוה עליכם שמרו ועשו כי אין עם יהוה אלהינו עולה ומשא פנים ומקח שחד׃

שחד מחיק רשע יקח להטות ארחות משפט׃

ראשיה בשחד ישפטו וכהניה במחיר יורו ונביאיה בכסף יקסמו ועל יהוה ישענו לאמר הלוא יהוה בקרבנו לא תבוא עלינו רעה׃

על הרע כפים להיטיב השר שאל והשפט בשלום והגדול דבר הות נפשו הוא ויעבתוה׃

להטות מדין דלים ולגזל משפט עניי עמי להיות אלמנות שללם ואת יתומים יבזו׃

ויבאו שני האנשים בני בליעל וישבו נגדו ויעדהו אנשי הבליעל את נבות נגד העם לאמר ברך נבות אלהים ומלך ויצאהו מחוץ לעיר ויסקלהו באבנים וימת׃

יגודו על נפש צדיק ודם נקי ירשיעו׃

למען יבא עליכם כל דם נקי הנשפך בארץ מדם הבל הצדיק עד דם זכריה בן ברכיה אשר רצחתם אותו בין ההיכל ולמזבח׃

ויהי כראות פילטוס כי לא יועיל מאומה ורבתה עוד המהודה ויקח מים וירחץ את ידיו לעיני העם ויאמר נקי אנכי מדם הצדיק הזה אתם תראו׃

ויענו כל העם ויאמרו דמו עלינו ועל בנינו׃

הרשעתם והמתם את הצדיק והוא נענה לא יפתח פיו׃