מי יתן והיה לבבם זה להם ליראה אתי ולשמר את כל מצותי כל הימים למען ייטב להם ולבניהם לעלם׃

לו חכמו ישכילו זאת יבינו לאחריתם׃

לו עמי שמע לי ישראל בדרכי יהלכו׃

משנאי יהוה יכחשו לו ויהי עתם לעולם׃

ירושלים ירושלים ההרגת את הנביאים והסקלת את השלוחים אליה כמה פעמים רציתי לקבץ את בניך כתרנגלת המקבצת את אפרחיה תחת כנפיה ולא אביתם׃

ויהי כאשר קרב וירא את העיר ויבך עליה לאמר׃

לו ידעת אף את בעוד יומך הזה את דבר שלומך ועתה נעלם מעיניך׃

עד יערה עלינו רוח ממרום והיה מדבר לכרמל וכרמל ליער יחשב׃

והיה מעשה הצדקה שלום ועבדת הצדקה השקט ובטח עד עולם׃

כי כה אמר יהוה הנני נטה אליה כנהר שלום וכנחל שוטף כבוד גוים וינקתם על צד תנשאו ועל ברכים תשעשעו׃

ירוין מדשן ביתך ונחל עדניך תשקם׃

שלום רב לאהבי תורתך ואין למו מכשול׃

ויגל כמים משפט וצדקה כנחל איתן׃

כי מלכות האלהים איננה אכילה ושתיה כי צדקה היא ושלום ושמחה ברוח הקדש׃