ואל מי תדמיון אל ומה דמות תערכו לו׃

ואל מי תדמיוני ואשוה יאמר קדוש׃

מי כמכה באלם יהוה מי כמכה נאדר בקדש נורא תהלת עשה פלא׃

אין כמוך באלהים אדני ואין כמעשיך׃

כי מי בשחק יערך ליהוה ידמה ליהוה בבני אלים׃

יהוה אלהי צבאות מי כמוך חסין יה ואמונתך סביבותיך׃

מי כיהוה אלהינו המגביהי לשבת׃

מאין כמוך יהוה גדול אתה וגדול שמך בגבורה׃

מי לא יראך מלך הגוים כי לך יאתה כי בכל חכמי הגוים ובכל מלכותם מאין כמוך׃

לא כאלה חלק יעקב כי יוצר הכל הוא וישראל שבט נחלתו יהוה צבאות שמו׃

אשר אף כי היה בדמות האלהים לא חשב לו לשלל היותו שוה לאלהים׃

והוא צלם האלהים הנעלם ובכור כל נברא׃

והוא זהר כבודו וצלם ישותו ונושא כל בדבר גבורתו ואחרי עשתו בנפשו טהרת חטאתינו ישב לימין הגדלה במרומים׃