Esaïe 43:9
כל הגוים נקבצו יחדו ויאספו לאמים מי בהם יגיד זאת וראשנות ישמיענו יתנו עדיהם ויצדקו וישמעו ויאמרו אמת׃
Esaïe 43:10
אתם עדי נאם יהוה ועבדי אשר בחרתי למען תדעו ותאמינו לי ותבינו כי אני הוא לפני לא נוצר אל ואחרי לא יהיה׃
Esaïe 48:16
קרבו אלי שמעו זאת לא מראש בסתר דברתי מעת היותה שם אני ועתה אדני יהוה שלחני ורוחו׃
Deutéronome 29:29
הנסתרת ליהוה אלהינו והנגלת לנו ולבנינו עד עולם לעשות את כל דברי התורה הזאת׃
Deutéronome 30:11-14
11
כי המצוה הזאת אשר אנכי מצוך היום לא נפלאת הוא ממך ולא רחקה הוא׃
12
לא בשמים הוא לאמר מי יעלה לנו השמימה ויקחה לנו וישמענו אתה ונעשנה׃
13
ולא מעבר לים הוא לאמר מי יעבר לנו אל עבר הים ויקחה לנו וישמענו אתה ונעשנה׃
14
כי קרוב אליך הדבר מאד בפיך ובלבבך לעשתו׃
Proverbes 1:21
בראש המיות תקרא בפתחי שערים בעיר אמריה תאמר׃
Proverbes 8:1-4
1
הלא חכמה תקרא ותבונה תתן קולה׃
2
בראש מרומים עלי דרך בית נתיבות נצבה׃
3
ליד שערים לפי קרת מבוא פתחים תרנה׃
4
אליכם אישים אקרא וקולי אל בני אדם׃
Jean 7:26
והנה הוא דבר בגלוי ולא יגערו בו האף אמנם ידעו ראשינו כי באמת זה הוא המשיח׃
Jean 7:28
אז קרא ישוע במקדש וילמד לאמר הן ידעתם אתי אף ידעתם מאין אני ומנפשי לא באתי אכן יש אמתי אשר שלחני ואתו לא ידעתם׃
Jean 7:37-39
37
ויהי ביום החג האחרון הגדול עמד ישוע ויקרא לאמר איש כי יצמא יבא נא אלי וישתה׃
38
המאמין בי כדבר הכתוב מבטנו ינהרו נהרי מים חיים׃
39
וזאת אמר על הרוח אשר יקחהו המאמינים בו כי לא נתן רוח הקדש עדנה יען אשר ישוע עוד לא נתפאר׃
Jean 18:20
ויען אתו ישוע אנכי בגלוי דברתי אל העולם ותמיד למדתי בבית הכנסת ובבית המקדש אשר כל היהודים נקהלים שמה ולא דברתי דבר בסתר׃
Actes 2:4-8
4
וימלאו כלם רוח הקדש ויחלו לדבר בלשנות אחרות כאשר נתנם הרוח להטיף׃
5
ובירושלים שכנו יהודים אנשי חסד מכל גוי וגוי אשר תחת השמים׃
6
ויהי בהיות קול הרעש ההוא ויקבצו עם רב ויהיו נבכים כי איש איש שמע אתם מדברים בשפת עמו׃
7
וישתוממו ויתמהו ויאמרו איש אל רעהו הנה כל אלה המדברים הלא גלילים המה׃
8
ואיך אנחנו שמעים אתם איש כשפת ארץ מולדתנו׃
Esaïe 1:15
ובפרשכם כפיכם אעלים עיני מכם גם כי תרבו תפלה אינני שמע ידיכם דמים מלאו׃
Esaïe 8:19
וכי יאמרו אליכם דרשו אל האבות ואל הידענים המצפצפים והמהגים הלוא עם אל אלהיו ידרש בעד החיים אל המתים׃
Esaïe 55:6
דרשו יהוה בהמצאו קראהו בהיותו קרוב׃
Esaïe 55:7
יעזב רשע דרכו ואיש און מחשבתיו וישב אל יהוה וירחמהו ואל אלהינו כי ירבה לסלוח׃
Esaïe 58:1-3
1
קרא בגרון אל תחשך כשופר הרם קולך והגד לעמי פשעם ולבית יעקב חטאתם׃
2
ואותי יום יום ידרשון ודעת דרכי יחפצון כגוי אשר צדקה עשה ומשפט אלהיו לא עזב ישאלוני משפטי צדק קרבת אלהים יחפצון׃
3
למה צמנו ולא ראית ענינו נפשנו ולא תדע הן ביום צמכם תמצאו חפץ וכל עצביכם תנגשו׃
1 Chroniques 28:8
ועתה לעיני כל ישראל קהל יהוה ובאזני אלהינו שמרו ודרשו כל מצות יהוה אלהיכם למען תירשו את הארץ הטובה והנחלתם לבניכם אחריכם עד עולם׃
2 Chroniques 15:2
ויצא לפני אסא ויאמר לו שמעוני אסא וכל יהודה ובנימן יהוה עמכם בהיותכם עמו ואם תדרשהו ימצא לכם ואם תעזבהו יעזב אתכם׃
Esdras 8:22
כי בשתי לשאול מן המלך חיל ופרשים לעזרנו מאויב בדרך כי אמרנו למלך לאמר יד אלהינו על כל מבקשיו לטובה ועזו ואפו על כל עזביו׃
Psaumes 24:6
זה דור דרשו מבקשי פניך יעקב סלה׃
Psaumes 69:13
ואני תפלתי לך יהוה עת רצון אלהים ברב חסדך ענני באמת ישעך׃
Psaumes 69:32
ראו ענוים ישמחו דרשי אלהים ויחי לבבכם׃
Proverbes 15:8
זבח רשעים תועבת יהוה ותפלת ישרים רצונו׃
Jérémie 29:13
ובקשתם אתי ומצאתם כי תדרשני בכל לבבכם׃
Amos 5:4
כי כה אמר יהוה לבית ישראל דרשוני וחיו׃
Malachie 3:13
חזקו עלי דבריכם אמר יהוה ואמרתם מה נדברנו עליך׃
Malachie 3:14
אמרתם שוא עבד אלהים ומה בצע כי שמרנו משמרתו וכי הלכנו קדרנית מפני יהוה צבאות׃
Matthieu 15:8
העם הזה נגש בפיו ובשפתיו כבדוני ולבו רחק ממני׃
Matthieu 15:9
ותהו יראתם אתי מצות אנשים מלמדים׃
Jacques 4:3
הן אתם מבקשים ואינכם מקבלים על אשר תתפללו ברעה למען תבלו בתאותיכם׃
Esaïe 63:1
מי זה בא מאדום חמוץ בגדים מבצרה זה הדור בלבושו צעה ברב כחו אני מדבר בצדקה רב להושיע׃
Nombres 23:19
לא איש אל ויכזב ובן אדם ויתנחם ההוא אמר ולא יעשה ודבר ולא יקימנה׃
Nombres 23:20
הנה ברך לקחתי וברך ולא אשיבנה׃
Deutéronome 32:4
הצור תמים פעלו כי כל דרכיו משפט אל אמונה ואין עול צדיק וישר הוא׃
Psaumes 9:10
ויבטחו בך יודעי שמך כי לא עזבת דרשיך יהוה׃
Psaumes 12:6
אמרות יהוה אמרות טהרות כסף צרוף בעליל לארץ מזקק שבעתים׃
Psaumes 19:7-10
7
תורת יהוה תמימה משיבת נפש עדות יהוה נאמנה מחכימת פתי׃
8
פקודי יהוה ישרים משמחי לב מצות יהוה ברה מאירת עינים׃
9
יראת יהוה טהורה עומדת לעד משפטי יהוה אמת צדקו יחדו׃
10
הנחמדים מזהב ומפז רב ומתוקים מדבש ונפת צופים׃
Psaumes 111:7
מעשי ידיו אמת ומשפט נאמנים כל פקודיו׃
Psaumes 111:8
סמוכים לעד לעולם עשוים באמת וישר׃
Psaumes 119:137
צדיק אתה יהוה וישר משפטיך׃
Psaumes 119:138
צוית צדק עדתיך ואמונה מאד׃
Proverbes 8:6
שמעו כי נגידים אדבר ומפתח שפתי מישרים׃
Proverbes 30:5
כל אמרת אלוה צרופה מגן הוא לחסים בו׃