Esaïe 46:9
זכרו ראשנות מעולם כי אנכי אל ואין עוד אלהים ואפס כמוני׃
Esaïe 65:17
כי הנני בורא שמים חדשים וארץ חדשה ולא תזכרנה הראשנות ולא תעלינה על לב׃
Deutéronome 7:18
לא תירא מהם זכר תזכר את אשר עשה יהוה אלהיך לפרעה ולכל מצרים׃
Deutéronome 8:2
וזכרת את כל הדרך אשר הליכך יהוה אלהיך זה ארבעים שנה במדבר למען ענתך לנסתך לדעת את אשר בלבבך התשמר מצותו אם לא׃
1 Chroniques 16:12
זכרו נפלאתיו אשר עשה מפתיו ומשפטי פיהו׃
Jérémie 16:14
לכן הנה ימים באים נאם יהוה ולא יאמר עוד חי יהוה אשר העלה את בני ישראל מארץ מצרים׃
Jérémie 16:15
כי אם חי יהוה אשר העלה את בני ישראל מארץ צפון ומכל הארצות אשר הדיחם שמה והשבתים על אדמתם אשר נתתי לאבותם׃
Jérémie 23:7
לכן הנה ימים באים נאם יהוה ולא יאמרו עוד חי יהוה אשר העלה את בני ישראל מארץ מצרים׃
Jérémie 23:8
כי אם חי יהוה אשר העלה ואשר הביא את זרע בית ישראל מארץ צפונה ומכל הארצות אשר הדחתים שם וישבו על אדמתם׃
2 Corinthiens 3:10
כי אף הנכבד איננו נחשב לכבוד לעמת הכבוד הנעלה הזה׃