Esaïe 40:12
מי מדד בשעלו מים ושמים בזרת תכן וכל בשלש עפר הארץ ושקל בפלס הרים וגבעות במאזנים׃
Esaïe 40:22
הישב על חוג הארץ וישביה כחגבים הנוטה כדק שמים וימתחם כאהל לשבת׃
Esaïe 40:28
הלוא ידעת אם לא שמעת אלהי עולם יהוה בורא קצות הארץ לא ייעף ולא ייגע אין חקר לתבונתו׃
Esaïe 44:24
כה אמר יהוה גאלך ויצרך מבטן אנכי יהוה עשה כל נטה שמים לבדי רקע הארץ מי אתי׃
Esaïe 45:12
אנכי עשיתי ארץ ואדם עליה בראתי אני ידי נטו שמים וכל צבאם צויתי׃
Esaïe 45:18
כי כה אמר יהוה בורא השמים הוא האלהים יצר הארץ ועשה הוא כוננה לא תהו בראה לשבת יצרה אני יהוה ואין עוד׃
Esaïe 48:13
אף ידי יסדה ארץ וימיני טפחה שמים קרא אני אליהם יעמדו יחדו׃
Psaumes 102:25
לפנים הארץ יסדת ומעשה ידיך שמים׃
Psaumes 102:26
המה יאבדו ואתה תעמד וכלם כבגד יבלו כלבוש תחליפם ויחלפו׃
Psaumes 104:2-35
2
עטה אור כשלמה נוטה שמים כיריעה׃
3
המקרה במים עליותיו השם עבים רכובו המהלך על כנפי רוח׃
4
עשה מלאכיו רוחות משרתיו אש להט׃
5
יסד ארץ על מכוניה בל תמוט עולם ועד׃
6
תהום כלבוש כסיתו על הרים יעמדו מים׃
7
מן גערתך ינוסון מן קול רעמך יחפזון׃
8
יעלו הרים ירדו בקעות אל מקום זה יסדת להם׃
9
גבול שמת בל יעברון בל ישובון לכסות הארץ׃
10
המשלח מעינים בנחלים בין הרים יהלכון׃
11
ישקו כל חיתו שדי ישברו פראים צמאם׃
12
עליהם עוף השמים ישכון מבין עפאים יתנו קול׃
13
משקה הרים מעליותיו מפרי מעשיך תשבע הארץ׃
14
מצמיח חציר לבהמה ועשב לעבדת האדם להוציא לחם מן הארץ׃
15
ויין ישמח לבב אנוש להצהיל פנים משמן ולחם לבב אנוש יסעד׃
16
ישבעו עצי יהוה ארזי לבנון אשר נטע׃
17
אשר שם צפרים יקננו חסידה ברושים ביתה׃
18
הרים הגבהים ליעלים סלעים מחסה לשפנים׃
19
עשה ירח למועדים שמש ידע מבואו׃
20
תשת חשך ויהי לילה בו תרמש כל חיתו יער׃
21
הכפירים שאגים לטרף ולבקש מאל אכלם׃
22
תזרח השמש יאספון ואל מעונתם ירבצון׃
23
יצא אדם לפעלו ולעבדתו עדי ערב׃
24
מה רבו מעשיך יהוה כלם בחכמה עשית מלאה הארץ קנינך׃
25
זה הים גדול ורחב ידים שם רמש ואין מספר חיות קטנות עם גדלות׃
26
שם אניות יהלכון לויתן זה יצרת לשחק בו׃
27
כלם אליך ישברון לתת אכלם בעתו׃
28
תתן להם ילקטון תפתח ידך ישבעון טוב׃
29
תסתיר פניך יבהלון תסף רוחם יגועון ואל עפרם ישובון׃
30
תשלח רוחך יבראון ותחדש פני אדמה׃
31
יהי כבוד יהוה לעולם ישמח יהוה במעשיו׃
32
המביט לארץ ותרעד יגע בהרים ויעשנו׃
33
אשירה ליהוה בחיי אזמרה לאלהי בעודי׃
34
יערב עליו שיחי אנכי אשמח ביהוה׃
35
יתמו חטאים מן הארץ ורשעים עוד אינם ברכי נפשי את יהוה הללו יה׃
Jérémie 10:12
עשה ארץ בכחו מכין תבל בחכמתו ובתבונתו נטה שמים׃
Jérémie 32:17
אהה אדני יהוה הנה אתה עשית את השמים ואת הארץ בכחך הגדול ובזרעך הנטויה לא יפלא ממך כל דבר׃
Amos 9:6
הבונה בשמים מעלותו ואגדתו על ארץ יסדה הקרא למי הים וישפכם על פני הארץ יהוה שמו׃
Zacharie 12:1
משא דבר יהוה על ישראל נאם יהוה נטה שמים ויסד ארץ ויצר רוח אדם בקרבו׃
Hébreux 1:2
אשר נתנו ליורש כל וגם עשה בידו את העולמות׃
Hébreux 1:10-12
10
ועוד אתה אדני לפנים הארץ יסדת ומעשה ידיך שמים׃
11
המה יאבדו ואתה תעמד וכלם כבגד יבלו׃
12
כלבוש תחליפם ויחלפו ואתה הוא ושנותיך לא יתמו׃
Génèse 1:10-12
10
ויקרא אלהים ליבשה ארץ ולמקוה המים קרא ימים וירא אלהים כי טוב׃
11
ויאמר אלהים תדשא הארץ דשא עשב מזריע זרע עץ פרי עשה פרי למינו אשר זרעו בו על הארץ ויהי כן׃
12
ותוצא הארץ דשא עשב מזריע זרע למינהו ועץ עשה פרי אשר זרעו בו למינהו וירא אלהים כי טוב׃
Génèse 1:24-12
Génèse 1:25-12
Psaumes 24:1
לדוד מזמור ליהוה הארץ ומלואה תבל וישבי בה׃
Psaumes 24:2
כי הוא על ימים יסדה ועל נהרות יכוננה׃
Psaumes 136:6
לרקע הארץ על המים כי לעולם חסדו׃
Génèse 2:7
וייצר יהוה אלהים את האדם עפר מן האדמה ויפח באפיו נשמת חיים ויהי האדם לנפש חיה׃
Job 12:10
אשר בידו נפש כל חי ורוח כל בשר איש׃
Job 27:3
כי כל עוד נשמתי בי ורוח אלוה באפי׃
Job 33:4
רוח אל עשתני ונשמת שדי תחיני׃
Job 34:14
אם ישים אליו לבו רוחו ונשמתו אליו יאסף׃
Psaumes 33:6
בדבר יהוה שמים נעשו וברוח פיו כל צבאם׃
Daniel 5:23
ועל מרא שמיא התרוממת ולמאניא די ביתה היתיו קדמיך ואנתה ורברבניך שגלתך ולחנתך חמרא שתין בהון ולאלהי כספא ודהבא נחשא פרזלא אעא ואבנא די לא חזין ולא שמעין ולא ידעין שבחת ולאלהא די נשמתך בידה וכל ארחתך לה לא הדרת׃
Actes 17:25
גם לא ישרתוהו ידי בני אדם כאלו יצטרך לדבר כי הוא הנתן לכל חיים ונשמה וכל דבר׃