Esaïe 24:15
על כן בארים כבדו יהוה באיי הים שם יהוה אלהי ישראל׃
Esaïe 24:16
מכנף הארץ זמרת שמענו צבי לצדיק ואמר רזי לי רזי לי אוי לי בגדים בגדו ובגד בוגדים בגדו׃
Esaïe 66:18
ואנכי מעשיהם ומחשבתיהם באה לקבץ את כל הגוים והלשנות ובאו וראו את כבודי׃
Esaïe 66:19
ושמתי בהם אות ושלחתי מהם פליטים אל הגוים תרשיש פול ולוד משכי קשת תבל ויון האיים הרחקים אשר לא שמעו את שמעי ולא ראו את כבודי והגידו את כבודי בגוים׃
Psaumes 22:27
יזכרו וישבו אל יהוה כל אפסי ארץ וישתחוו לפניך כל משפחות גוים׃
Psaumes 96:3-10
3
ספרו בגוים כבודו בכל העמים נפלאותיו׃
4
כי גדול יהוה ומהלל מאד נורא הוא על כל אלהים׃
5
כי כל אלהי העמים אלילים ויהוה שמים עשה׃
6
הוד והדר לפניו עז ותפארת במקדשו׃
7
הבו ליהוה משפחות עמים הבו ליהוה כבוד ועז׃
8
הבו ליהוה כבוד שמו שאו מנחה ובאו לחצרותיו׃
9
השתחוו ליהוה בהדרת קדש חילו מפניו כל הארץ׃
10
אמרו בגוים יהוה מלך אף תכון תבל בל תמוט ידין עמים במישרים׃
Psaumes 117:1
הללו את יהוה כל גוים שבחוהו כל האמים׃
Psaumes 117:2
כי גבר עלינו חסדו ואמת יהוה לעולם הללו יה׃
Romains 15:9-11
9
והגוים המה יכבדו את האלהים למען רחמיו ככתוב על כן אודך בגוים ולשמך אזמרה׃
10
ואומר הרנינו גוים עמו׃
11
ואומר הללו את יהוה כל גוים שבחוהו כל האמים׃
Apocalypse 5:9
וישירו שיר חדש לאמר לך נאה לקחת את הספר ולפתח את חותמיו כי אתה נשחטת ובדמך קניתנו לאלהים מכל משפחה ולשון וכל עם וגוי׃
Apocalypse 5:10
ותעש אתם מלכים וכהנים לאלהינו וימלכו על הארץ׃
Apocalypse 7:9-12
9
אחרי כן ראיתי והנה המון רב אשר לא יכל איש למנותו מכל הגוים והמשפחות והעמים והלשנות ויעמדו לפני הכסא ולפני השה מלבשים שמלות לבנות וכפות תמרים בידיהם׃
10
ויקראו בקול גדול לאמר הישועה לאלהינו הישב על הכסא ולשה׃
11
וכל המלאכים עמדו סביב לכסא וסביב לזקנים ולארבע החיות ויפלו על פניהם לפני הכסא וישתחוו לאלהים׃
12
ויאמרו אמן הברכה והכבוד והחכמה והתודה וההדר והכח והעז לאלהינו לעולמי עולמים אמן׃