המה ישאו קולם ירנו בגאון יהוה צהלו מים׃

מכנף הארץ זמרת שמענו צבי לצדיק ואמר רזי לי רזי לי אוי לי בגדים בגדו ובגד בוגדים בגדו׃

רנו שמים כי עשה יהוה הריעו תחתיות ארץ פצחו הרים רנה יער וכל עץ בו כי גאל יהוה יעקב ובישראל יתפאר׃

רנו שמים וגילי ארץ יפצחו הרים רנה כי נחם יהוה עמו ועניו ירחם׃

הנה עבדי ירנו מטוב לב ואתם תצעקו מכאב לב ומשבר רוח תילילו׃

שירו לו שיר חדש היטיבו נגן בתרועה׃

ויתן בפי שיר חדש תהלה לאלהינו יראו רבים וייראו ויבטחו ביהוה׃

שירו ליהוה שיר חדש שירו ליהוה כל הארץ׃

ספרו בגוים כבודו בכל העמים נפלאותיו׃

מזמור שירו ליהוה שיר חדש כי נפלאות עשה הושיעה לו ימינו וזרוע קדשו׃

זכר חסדו ואמונתו לבית ישראל ראו כל אפסי ארץ את ישועת אלהינו׃

הללו את יהוה כל גוים שבחוהו כל האמים׃

כי גבר עלינו חסדו ואמת יהוה לעולם הללו יה׃

והגוים המה יכבדו את האלהים למען רחמיו ככתוב על כן אודך בגוים ולשמך אזמרה׃

ואומר הללו את יהוה כל גוים שבחוהו כל האמים׃

וישירו שיר חדש לאמר לך נאה לקחת את הספר ולפתח את חותמיו כי אתה נשחטת ובדמך קניתנו לאלהים מכל משפחה ולשון וכל עם וגוי׃

וישירו כשיר חדש לפני הכסא ולפני ארבע החיות ולפני הזקנים ואין איש אשר יכל ללמד את השיר זולתי מאת האלף וארבעים וארבעת האלפים ההם אשר נקנו מן הארץ׃

יורדי הים באניות עשי מלאכה במים רבים׃

ויאמר ויעמד רוח סערה ותרומם גליו׃

יחוגו וינועו כשכור וכל חכמתם תתבלע׃

יקם סערה לדממה ויחשו גליהם׃

יודו ליהוה חסדו ונפלאותיו לבני אדם׃

הללו יה הללו את יהוה מן השמים הללוהו במרומים׃

הללוהו שמש וירח הללוהו כל כוכבי אור׃

יהללו את שם יהוה כי הוא צוה ונבראו׃

הללו את יהוה מן הארץ תנינים וכל תהמות׃

ההרים וכל גבעות עץ פרי וכל ארזים׃

מלכי ארץ וכל לאמים שרים וכל שפטי ארץ׃

יהללו את שם יהוה כי נשגב שמו לבדו הודו על ארץ ושמים׃

כל הנשמה תהלל יה הללו יה׃

לא יכהה ולא ירוץ עד ישים בארץ משפט ולתורתו איים ייחילו׃

קרוב צדקי יצא ישעי וזרעי עמים ישפטו אלי איים יקוו ואל זרעי ייחלון׃

כי לי איים יקוו ואניות תרשיש בראשנה להביא בניך מרחוק כספם וזהבם אתם לשם יהוה אלהיך ולקדוש ישראל כי פארך׃

יהוה מלך תגל הארץ ישמחו איים רבים׃

נורא יהוה עליהם כי רזה את כל אלהי הארץ וישתחוו לו איש ממקומו כל איי הגוים׃