הראשנות הנה באו וחדשות אני מגיד בטרם תצמחנה אשמיע אתכם׃

ומי כמוני יקרא ויגידה ויערכה לי משומי עם עולם ואתיות ואשר תבאנה יגידו למו׃

אל תפחדו ואל תרהו הלא מאז השמעתיך והגדתי ואתם עדי היש אלוה מבלעדי ואין צור בל ידעתי׃

הרעיפו שמים ממעל ושחקים יזלו צדק תפתח ארץ ויפרו ישע וצדקה תצמיח יחד אני יהוה בראתיו׃

זכרו ראשנות מעולם כי אנכי אל ואין עוד אלהים ואפס כמוני׃

מגיד מראשית אחרית ומקדם אשר לא נעשו אמר עצתי תקום וכל חפצי אעשה׃

מעתה אני אמר לכם בטרם היותה למען בבואה תאמינו כי אני הוא׃

נודעים לאלהים מעולם כל מעשיו׃

יוצר אור ובורא חשך עשה שלום ובורא רע אני יהוה עשה כל אלה׃

ישאהו על כתף יסבלהו ויניחהו תחתיו ויעמד ממקומו לא ימיש אף יצעק אליו ולא יענה מצרתו לא יושיענו׃

כתמר מקשה המה ולא ידברו נשוא ינשוא כי לא יצעדו אל תיראו מהם כי לא ירעו וגם היטיב אין אותם׃