על כן על בחוריו לא ישמח אדני ואת יתמיו ואת אלמנתיו לא ירחם כי כלו חנף ומרע וכל פה דבר נבלה בכל זאת לא שב אפו ועוד ידו נטויה׃

וקשתות נערים תרטשנה ופרי בטן לא ירחמו על בנים לא תחוס עינם׃

אין המלך נושע ברב חיל גבור לא ינצל ברב כח׃

כפירים רשו ורעבו ודרשי יהוה לא יחסרו כל טוב׃

הנה טפחות נתתה ימי וחלדי כאין נגדך אך כל הבל כל אדם נצב סלה׃

שבתי וראה תחת השמש כי לא לקלים המרוץ ולא לגבורים המלחמה וגם לא לחכמים לחם וגם לא לנבנים עשר וגם לא לידעים חן כי עת ופגע יקרה את כלם׃

ואבד מנוס מקל וחזק לא יאמץ כחו וגבור לא ימלט נפשו׃