Esaïe 32:18
וישב עמי בנוה שלום ובמשכנות מבטחים ובמנוחת שאננות׃
Esaïe 33:20
חזה ציון קרית מועדנו עיניך תראינה ירושלם נוה שאנן אהל בל יצען בל יסע יתדתיו לנצח וכל חבליו בל ינתקו׃
Psaumes 87:2
אהב יהוה שערי ציון מכל משכנות יעקב׃
Psaumes 87:3
נכבדות מדבר בך עיר האלהים סלה׃
Psaumes 89:7
אל נערץ בסוד קדשים רבה ונורא על כל סביביו׃
Psaumes 111:1
הללו יה אודה יהוה בכל לבב בסוד ישרים ועדה׃
Matthieu 18:20
כי בכל מקום אשר שנים או שלשה נאספו בשמי שם אני בתוכם׃
Matthieu 28:20
ולמדתם אתם לשמר את כל אשר צויתי אתכם והנה אנכי אתכם כל הימים עד קץ העולם אמן׃
Exode 13:21
ויהוה הלך לפניהם יומם בעמוד ענן לנחתם הדרך ולילה בעמוד אש להאיר להם ללכת יומם ולילה׃
Exode 13:22
לא ימיש עמוד הענן יומם ועמוד האש לילה לפני העם׃
Exode 14:19
ויסע מלאך האלהים ההלך לפני מחנה ישראל וילך מאחריהם ויסע עמוד הענן מפניהם ויעמד מאחריהם׃
Exode 14:20
ויבא בין מחנה מצרים ובין מחנה ישראל ויהי הענן והחשך ויאר את הלילה ולא קרב זה אל זה כל הלילה׃
Exode 14:24
ויהי באשמרת הבקר וישקף יהוה אל מחנה מצרים בעמוד אש וענן ויהם את מחנה מצרים׃
Exode 40:34-38
34
ויכס הענן את אהל מועד וכבוד יהוה מלא את המשכן׃
35
ולא יכל משה לבוא אל אהל מועד כי שכן עליו הענן וכבוד יהוה מלא את המשכן׃
36
ובהעלות הענן מעל המשכן יסעו בני ישראל בכל מסעיהם׃
37
ואם לא יעלה הענן ולא יסעו עד יום העלתו׃
38
כי ענן יהוה על המשכן יומם ואש תהיה לילה בו לעיני כל בית ישראל בכל מסעיהם׃
Nombres 9:15-22
15
וביום הקים את המשכן כסה הענן את המשכן לאהל העדת ובערב יהיה על המשכן כמראה אש עד בקר׃
16
כן יהיה תמיד הענן יכסנו ומראה אש לילה׃
17
ולפי העלת הענן מעל האהל ואחרי כן יסעו בני ישראל ובמקום אשר ישכן שם הענן שם יחנו בני ישראל׃
18
על פי יהוה יסעו בני ישראל ועל פי יהוה יחנו כל ימי אשר ישכן הענן על המשכן יחנו׃
19
ובהאריך הענן על המשכן ימים רבים ושמרו בני ישראל את משמרת יהוה ולא יסעו׃
20
ויש אשר יהיה הענן ימים מספר על המשכן על פי יהוה יחנו ועל פי יהוה יסעו׃
21
ויש אשר יהיה הענן מערב עד בקר ונעלה הענן בבקר ונסעו או יומם ולילה ונעלה הענן ונסעו׃
22
או ימים או חדש או ימים בהאריך הענן על המשכן לשכן עליו יחנו בני ישראל ולא יסעו ובהעלתו יסעו׃
Néhémie 9:12
ובעמוד ענן הנחיתם יומם ובעמוד אש לילה להאיר להם את הדרך אשר ילכו בה׃
Psaumes 78:14
וינחם בענן יומם וכל הלילה באור אש׃
Zacharie 2:5-10
5
ואני אהיה לה נאם יהוה חומת אש סביב ולכבוד אהיה בתוכה׃
6
הוי הוי ונסו מארץ צפון נאם יהוה כי כארבע רוחות השמים פרשתי אתכם נאם יהוה׃
7
הוי ציון המלטי יושבת בת בבל׃
8
כי כה אמר יהוה צבאות אחר כבוד שלחני אל הגוים השללים אתכם כי הנגע בכם נגע בבבת עינו׃
9
כי הנני מניף את ידי עליהם והיו שלל לעבדיהם וידעתם כי יהוה צבאות שלחני׃
10
רני ושמחי בת ציון כי הנני בא ושכנתי בתוכך נאם יהוה׃
Esaïe 31:4
כי כה אמר יהוה אלי כאשר יהגה האריה והכפיר על טרפו אשר יקרא עליו מלא רעים מקולם לא יחת ומהמונם לא יענה כן ירד יהוה צבאות לצבא על הר ציון ועל גבעתה׃
Esaïe 31:5
כצפרים עפות כן יגן יהוה צבאות על ירושלם גנון והציל פסח והמליט׃
Esaïe 37:35
וגנותי על העיר הזאת להושיעה למעני ולמען דוד עבדי׃
Esaïe 46:13
קרבתי צדקתי לא תרחק ותשועתי לא תאחר ונתתי בציון תשועה לישראל תפארתי׃
Psaumes 85:9
אך קרוב ליראיו ישעו לשכן כבוד בארצנו׃
Exode 26:1
ואת המשכן תעשה עשר יריעת שש משזר ותכלת וארגמן ותלעת שני כרבים מעשה חשב תעשה אתם׃
Exode 26:7
ועשית יריעת עזים לאהל על המשכן עשתי עשרה יריעת תעשה אתם׃