אף כי תאמר לא תשורנו דין לפניו ותחולל לו׃

ועתה כי אין פקד אפו ולא ידע בפש מאד׃

שובה יהוה חלצה נפשי הושיעני למען חסדך׃

כי אין במות זכרך בשאול מי יודה לך׃

לולא האמנתי לראות בטוב יהוה בארץ חיים׃

ואני אמרתי בחפזי נגרזתי מנגד עיניך אכן שמעת קול תחנוני בשועי אליך׃

כי חלצת נפשי ממות את עיני מן דמעה את רגלי מדחי׃

אתהלך לפני יהוה בארצות החיים׃

כי החיים יודעים שימתו והמתים אינם יודעים מאומה ואין עוד להם שכר כי נשכח זכרם׃

גם אהבתם גם שנאתם גם קנאתם כבר אבדה וחלק אין להם עוד לעולם בכל אשר נעשה תחת השמש׃