לולי יהוה צבאות הותיר לנו שריד כמעט כסדם היינו לעמרה דמינו׃

ועוד בה עשריה ושבה והיתה לבער כאלה וכאלון אשר בשלכת מצבת בם זרע קדש מצבתה׃

והיה ביום ההוא לא יוסיף עוד שאר ישראל ופליטת בית יעקב להשען על מכהו ונשען על יהוה קדוש ישראל באמת׃

כי אם יהיה עמך ישראל כחול הים שאר ישוב בו כליון חרוץ שוטף צדקה׃

ופליטי חרב ישבון מן ארץ מצרים ארץ יהודה מתי מספר וידעו כל שארית יהודה הבאים לארץ מצרים לגור שם דבר מי יקום ממני ומהם׃

הבאים ישרש יעקב יציץ ופרח ישראל ומלאו פני תבל תנובה׃

והוצאתי מיעקב זרע ומיהודה יורש הרי וירשוה בחירי ועבדי ישכנו שמה׃

ויספה פליטת בית יהודה הנשארה שרש למטה ועשה פרי למעלה׃

כי מירושלם תצא שארית ופליטה מהר ציון קנאת יהוה תעשה זאת׃

פנית לפניה ותשרש שרשיה ותמלא ארץ׃

ויצא מהם תודה וקול משחקים והרבתים ולא ימעטו והכבדתים ולא יצערו׃

וישעיהו צוח על ישראל כי אם יהיה מספר בני ישראל כחול הים שאר ישוב בו כליון חרוץ שוטף צדקה׃

וכן גם בעת הזאת נותרה שארית על פי בחירת החסד׃

ואם אתם למשיח הנכם זרע אברהם ונחלים כפי ההבטחה׃